Kayin ramkulh Laegaetkaw hmunhma Myatta Linmyaing le Metrawtalay ah a luancia December 19 ah a chuakmi kahdohnak ruangah ralhrang lei a thi mi minung 50 hrawng an ruak cu ralhrang phu hna nih nihin December 22 nitiang ah an char hna lo i ralhrang ruak cu lamcungah zohawk thalo in an thu, an rawkral tiah theih a si.
Kayin ramkulh KNU brigade 6 Laykaegaw hmunhma Myatta Linmyaing le Metrawtalay ah nihin ralhrang phu hna le KNLA,PDF phufonh kar fakngai in kahdohnak a chuak. Ralhrang lei tat-khuai-hmu 2, duh-tat-yin-hmu 2 telhin ralhrang phu chungtel minung 50 hrawng an thi tiah,.
NUG i phungning thawngthanhnak PVTV nih a langhter. Cu kahdohnak chung ah 60mm pakhat, pistol 4, sniper pakhat, MK 1 pathum, MK 2 pathum dihlak 12 le kutceh bomb cheukhat cun kuan cheukhat hna an lakkhawh tiah theih a si. Khit Thit Media
December 25 cu Jesuh chuah Ni a si, kan ti ruangah a si lo. Vawlei mi vialte tlanhtu pa, Jesuh a rak chuak, timi hngalh camcinnak puai tuah Ni tu a si deuh! Ziah, December 25 theng ahcun?? tiah mi cheu nih an ti. January 20 zongah tuah u sihlaw, ziah cu Ni theng ahcun? Cu Ni cu cu pei si cu, khi pei si cu, timi chim awk cu a um peng thiam ko lai.
Rome miphun nih Calendar ah Ni le thla min hna cu an pathian le khuazing min phunphun cherhchan in min an pek hna. Cucaah zei Ni le zei caan poh ah Christmas cu tuah si sehlaw, soiseltu caah biataw a pit hlei lai lo. Lai miphun nih ca kan rak thiam hlan, Japan ralpi hlan chuakmi tleicia ka pi cu a birthday kan rak tuah piak.
Ahohmanh nih ka pi chuah Ni taktak cu hngalh a si lo nain ka pi cu kan mithmuh le kuttongh khawh awk in kan sin ah a um taktakmi a si caah zeima caan le Ni pakhat khat ahcun a rak chuak hrimhrim tiah kan zumh bak. Ka pale unau vialte hringtu a si caah ka pi cu a rak chuak hrimhrim mi a si; a chuah Ni taktak tu kan hngal kho lo.
Cucaah ka pi Birthday cu tar hna nih a nuam an ti bik caan, khuasik tuk lo, khua linh tuk lo lio caan, September 10 ah kan rak tuah piak. Midang chuah Ni tuah he aa dannak cu, a chuah ni puai kan tuah ah a kum zat chim awk kan hngal bal lo! Christmas cu Vawlei ah mi khamhtu, Pathian fapa ngeihchun JESUH timi pa cu a rak chuak taktak,
A rak nung taktak i mi vialte caah a Nunnak a rak pek taktak timi hngalh camcinnak le sunghlawihnak puai a si. Christmas a rak tuah hmaisa tu hna nih an tuah Ni hi anmah lio caan le boruak zulh in aa tlaak bik lio caan a rak si ve ko lai cuh! Sunglawi tein hmang hna u sih.
Luklak lo te ah, hlennak khawr chungah lut sual hlah. Christmas tuah cu a herh hme maw? timi biahalnak na ton sual ahcun, “JESUH vawlei ah a rak chuak taktak timi zumh hi tah a herh ve maw?” tiah va hal chin hna. Kan thangthatmi cu a Ni a si lo, kan biakmi zong a Thla a si lo; van in vawlei ah a hung lutmi pa sunparnak kan pek tu a si!
Leave a Reply