Daw Aung San Suu Kyi Cu Luatnak Nawl Pek In Rampi Thimnak Lei Lam Hun Piak Ding 

Daw Aung San Suu Kyi Cu Luatnak Nawl Pek In Rampi Thimnak Lei Lam Hun Piak Ding

SAC ralhrang lei nih Ramkhel in ceihhmainak cu phisin a herh i, Daw Aung San Suu Kyi cu tazacuai mi a hmuh pawl cu a ran khawh chungin zohfelnak tuah in dan pek dih hnu ah luatnak nawl pek in thimnak luhnak lam hun piak a herh nak kong cu ramkhel zohfeltu  U Ye Htun nih a chim. U Ye Htun nih ” Daw Suu lei an si ah SAC ralhrang lei an si ah kap hnih in zei hlei hlah.

Ka chim duhnak cu teitkha an ngei lo. Teihkha timi thih loin kal a si ah cun a tuah hnga ing 2023 thimnak ah siseh, NLD party i tel khawh ah siseh,  vawllei cunng ram hna nih cohlang dingah cun mah lam pakhat lawng hi a um mi a si. Daw Suu a hmuh zong a ran khawh chung in zohfelnak tuah ding,

A dih hnu ah luatnak nawl pek, Luatnak nawl pek hnu ah 2023 August thla ah tuah hnga ding rampi thimnak ah lamser piak ding” tiah a chim. Mah ti hin kan tuah a si ah cun Ram chung ah a cang mi kahdohnak  zonghi a dai deuh lai i, vawleicung pi nih a herh mi dirhmuh zong phak khawh a si lai ti zongin a chim.

U Ye Htun nih ” A mah klei zongin 2008 phunghrampi ningin riantuan timi lam cungah phak ter in NLD zong itel ve duh a si ah cun mah lam pakhat lawng hi a um. Daw Suu a hmuh cu aran khawh chung in zohfelnak tuah dih hnu dantatnak pek caan ah luatnak nawl pek zong a ngah mi a si.

Mah luatnak nawl pek dih hnu ah Daw Aung San Suu kyi cu SAC ralhrang nih tuah hnga ding 2023 thimnak  ah NLD party aiawh in a zuam a si ah cun ASEAN nih a duh mi a herh mi zong ngah khawh a si lai. Ram chung kahdoh nak zong a daih colh lo hmanh ah tlawnpal tal cu a dai deuh lai.

Tuah hnga ding rampi thimnak zong vawleipi nih a cohlang lai i, SAC ralhrang lei zong in an chim chungmi phunghrampi ningin kal a si lai timi zong a zawrter khawh mi lam pakhat zong a um. Mah sining phak khawh nak hnga ding caah cun Idea pek a herh” tiah a chim. ” Phu dang hna zong nih zeibantukin ruat ko hna hmanh sehlaw, hihi cu nawl buar a si caah thongthlak an si timi hi kan mah lei nih cun kan ruah mi a si ko.

Bantuk minung pawl he tonbiaruah nak ngeih cu a fawi lo mi a si tiah ruah a si. Pung hmanh ning in ka hmuh khawh mi cu 2023 thimnak ah kan kal kho te men ko lai. Mah thimnak teinak a hmu mi cozah cu rian khinh a si lai i, cu tik ah mah lam ning in kal khawh a si lai tiah ka ruah” tiin a chim.