Daw Aung San Su Gyi Online Zung Ton Caan Ah Sihni Tel Nak Nawl A Ngei Lo

Daw Aung San Su Gyi Online Zung Ton Caan Ah Sihni Tel Nak Nawl A Ngei Lo…

Kawlram ah ralkap nih nawlngaih nak an lak ni, February ni 1 in tlaih khih a tong mi rampi ruahnak pe tu Daw Aung San Su Gyi a hmuh kong ah zung ton caan cu Yangon nichuahlei khayine taya zung ah May thla ni 6 ,nili ni ah online in tuah a si.Cu an tuah nak ah cun bia ngeih ton caan si lo in, a hmuh caah zung ah chim a herh mi chim caan lawng a si tiah law lei in sihni U Khin Mawng Zaw nih a chim.

Daw Aung San Su Gyi le NLD minister pathum tel in Sean Turnell hna cu rallokap nih pohmah 3(1)(c) in Yangon nichuah lei khayine zung ah tazacuai an si i , tlaihkhih a tong mi Australia ram mi Sean Turnell caah sihni a um rih lo caah sihni hal piak a si tiah U Khin Mawng Zaw nih a chim.

Vedio Conferencing in tuah mi cu biangeih nak ah cun Daw Aung San Su Gyi i sihni pawl cu an kal ko na in internet line pehtlaih nak um lo caah an mah lei in online in kai nak an ngei kho lo , cu biangeih nak cu online in tuah tak a si ko maw …., Si lo ah taza cuai a tong mi hna taya zung ah bia hal maw an si hnga tiah fiang ten theih a si lo nak kong le Daw Aung San Su Gyi he ton khawh nak ding ah sihni hna nih nawl nak a um ko na in kan tong kho lo tiah a chim.

A tu tiang ah Daw Aung San Su Gyi , President U Win Myint le a dang tlaih khih a tong mi hna NLD palai cheu khat hna cu rallokap nih voi tam pi zung chuah in check nak a um ko na in sihni pawl hna he ton nak nawl an ngei lo, cun taza an cuai mi hna a hmuh caah tha tein bia hal, chim nak voi khat hmanh tuah a um rih lo i zung ton caan thial mi lawng hi a si rih.

The Chin Post

Be the first to comment

Leave a Reply

Your email address will not be published.


*