Dalan Nih Thawng Pek An i Palh Ruangah Khua Mi Tam Tuk An thah Hna

Dalaan ruang ah Sagaing Ramthen ah SAC phu nih kum 5 ngakchianu tel in minung 5 kahthah October 1| Sagaing Ramthen, Khin-U Peng, Pintaung khua ah kum 5 ngakchianu Myo Thandar Hlaing, Ko Tun Shi, Ko Aung Oo, Ko Pu Cho le Daw Pu hna cu SAC ralkap nih meithal in an kah hna i an nunnak a liam. Hihi Dalaan nih Pintaung khua ah PDF an um, tiin thawng pek aa palh ruang ah minung hawi zuanruahnak ngeilo mi SAC ralkap nih khuami cu an kah hna i atu bantuk in mual an liam hi a si, tiah Khit Thit Media nih a tial.

NUG cozah nih a tuahmi Pilot project i tthi poh nak cu October 1, nihin ah thanhnak an tuah cang, awngbali a poh tu hi minung 75 an si. Awngbalia a pohtu hna cu NUG cozah tangka lei vuanci U Tin Thun Naing nih computerized random selection in thimnak a tuah hi a si. NwayOo tthi zuarmi phaisa 30% in vantha mi an thim hna hi a si. NwayOo tthi a poh tu minung 75 chungah minung 62 nih an poh mi phaisa hna cu NUG caah an hlut than. A hlu than tu hna cu NUG cozah tangka lei vuancii zung nih lunglawmhnak roca a pek hna lai.

NwayOo tthi cu NUG tangka lei vuanci zung nih a luancia August 15 in zuar hram an thok mi a si, tthi an zuarmi 70% cu CDM caah hman a si lai,cun 30% cu a poh tu hna caah laksawng pek ding a si lai tiah thawngthanh a rak si. Hramhram nawlngeihnak latu ralhrangbu nih NwayOo tthi kong he pehtlai in a zuartu hna le thazaang petu hna cu tazacuai le tlaih in thongthlak an si lai tiah tlerhkhonh nak an tuah. Cun Myanmar ram mipi hna nih ralhrang uk duhlo langhter in lam zawhnak tuah hnu ah Awngbali tthi cu an cawk ti lo caah, online in kan zuar ve lai tiah ralhrangbu nih timhtuah nak an ngei tiah DVB nih a tial.

Nihin Hakha ah SAC ralkap nih khuami minung 30 tluk an tlaih hna, The Hakha Times, October 1 Nihin October 1, zaanlei suimilaam 4:00 hrawng ah SAC ralkap nih minung 30 tluk an tlaih hna, tiah kan theih. “An tlaih hna nak hi Myanma Economic Bank thlanglei (Nitlaklei) um mi an si i minung 30 hrawng an si. Nihin zaanlei 4:00 PM hrawng ah a si. An hmuh mi hna poh kha an tlaih ko rua hna,” tiah min langhter lo mi pakhat nih The Hakha Times ah a chim. Myanmar rampum huap in atulio hi SAC ralkap nih mizeipoh kha an tlaih hna i an phone le thilri an check hna, cheukhat cu tangka tampi liam in an tlanhter hna tiah Mainstream Media dangdang zong nih an tial.

Be the first to comment

Leave a Reply

Your email address will not be published.


*