Dalaan Bawizik Khuaukbawi Aye Ko Cu A Thah Hnu Ah A Luu An Tan I Nga Rawl Ah An Peek
Mandalay ramthen, Nganzuun pengkulh chungah khuami pawl tlaih ter in that hratin in a thater tu danlaan Khuauk Bawi Aye Ko cu a luu an tan hnu ah nga rawl ah an pek tiah theih a si. ” Ni zaan ah khan an thah, an thah i a luu an tan hnu ah nga rawl ah an peek tiah thawng kan theih.
Dalaan hmanh ah a bawibik lei a si tiah kan theih.” tiah Nganzuun tualchung um mi pakhat nih a chim. U Aye Ko cu Nganzuun pengkulh, Nanhkuhla Kyi khua ah khuauk bawi a si i, khuami pawl he petlai in thawngpang pawl cu , SAC ralhrang sinah thawngpaang a pee lengmang tu dalaan a si i, a tu bantuk an fimtawl nak hi a si tiah Zamani dohthlennak tuahtu phu sinin theih a si.
“Kuhlakyi khua ah khua mi pawl tlaih ter in that hratin a thah tertu SAC ralhrang rian khinh mi khuauk bawi a si. Aye Ko a luu cu nga rawl ah peek a si. A hnu zultu uico pakhat Swe Laing Ko zong Siizung ah kuat a si.” tiah Zamani phu pakhat nih a chim. Khuaukbawi Aye Ko a hnu zulh tu Swe Laing Ko zong Zamani dohthlennak a tuah tu nih an kah ruangah siizung ah aa thlop lio a si tiah theih a si.
Yua Ngan Ah April Thla Chung Ah Mipi Bawmtu Le Tualchung Mi 25 Tlaih An Tong, 10 An Nunnak Liam, Shan ram thlanglei Yua Ngan peng ah April thla chung ah SAC ralkap nih mipi bawmtu volunteer 2 le tualchung mi 23 an tlaih hna i minung 10 an thah hna tiah theih a si. A luancia April 25 ah ralzaam bawm ding in a kal mi volunteer 2 cu SAC ralkap nih an tlaih hna i an thil an chuh dih hna.
Na BanGyi(နဘန်းကြီး) khua ah SAC nih ralkap thazaang an chap i khua chung lam ah biatak tein in an cheknam an tuah tiah theih a si. Tualchung mi pakhat nih ” Nizaan in kahdohnak a chuak i ralkap thazaang zong an chap,Tapinpyo(တပင်ပျော်) khua le Hngek Toh(ငှက်သော်) khua ah rallam an sial i hriamngan voi 30 leng an puah, Lei/ Nel ah rian a ttuan mi an tlaih hna, tiah Shwe Phee Myay media ah a chim. An tlaih mi hna zat cu fiang in theih a si rih lo.
Yua Ngan peng ah rithai sii a tawng mi mino pawl cu SAC ralkap nih an tlaih hna i dalaan an tuan ter hna tiah tualchung mi nih an chim. SAC ralkap ttih ruang ah a zaam mi ralzaam cheukhat cu bawmh khawh an si i a zaam manh lo mi Min Palawng(မင်းပလောင်) khuami hna cu bawmh chanh khawh an i zuam cuahmah tiah theih a si.
Leave a Reply