NUG cozah nih ram pumpi kahdohnak an thanh le cang ka in Gankaw pengah biatak tein kahdohnak a chuak. Sep -tember thla 7 hnu in nihin tiangah gankaw peng kahdohnak ah kawl ralkap a tlawm lei in minung 70 tluk an thi cang I PDF lei zong minung 17 an thi v e cang tiah theih a si. Gankaw-PDF an thihnak bik a ruang cu September thla 9 i Minta khua i an i kahdoh lio ah khan ruah lo piin kawl ral – kap nih an kulh hna caah
Nikhat teah kawl ralkap nih PDF lei minung 17 bak an thah hna. A taktak ahcun an thah mi hna chungah khan PDF chungtel taktak cu 5 lawng an i tel tiah theih a si. YDF biachimtu nih a chimnak ahcun NUG nih ram pumpi kahdohnak thawng an hun thanh le cang ka in Gankaw khua chung i a ummi kawl ralkap sakhan 2 lak kan timh i kha ni ah khan kawl ralkap minung 9 kan thah khawh hna.
Cun, Sep .10 ah khan taung-paing lei he Myauk-paing lei he ralkap 68 an thi. Cun Sepemtember thla 12 ah khan kawl ralkap motor cu Gankaw-Kyaukhtu lam pi cungah landmine in kan doh hna i kawl ralkap lei kha ceilak te an thi i hliam zong an tuar a sinain a thimi zat taktak cu fiangfai in kan thei kho hna lo tiah a chim. Cucaah, ni 5 chung I an I kahdohnak ah ralkap lei a tlawm bik in minung 70 an thi tiah an feh ter. Crd _ RFa
Magway remthen, Gangaw peng, Gangaw-Kalay karlak ah a ummi Htay Hlaw khua cu Sept 12, tuzing suimilam 7 hrawngah ralhrang nih mei in an khangh tiah theih a si. Khuami pakhat nih cun “Tuzing suimilam paruk le cheu hrawngah uico ralhrang nih mei in an khangh.
Kan inn mei an khangh lio cu a langin kan cuanh, zeihmanh kan ti khawhmi a um lo. Khuami vialte kan himnak dingah kan zam dih” tiah a chim. Sagaing ramthen le Magway ramthen ramri ah nifatin in ralhrang le mipi vengtu ralkap kahdohnak a um peng. Ralhrang nih khuakhat hnu khuakhat in mei an khangh.
Nai teah Gangaw-Kalay karlak ah a ummi Thar Lin, Min Thar, Namkha khua i inn 80 renglo hna cu ralhrang nih mei in an khangh i khuami 20 leng an thah cang hna. Sept 12, tuzing ah Gangaw-Kalay karlak ah Kalay lei in zei bantuk mawtaw hmanh umkal lo dingin PDF Kalay nih cathanh an chuah.
Ralhrang nih umkalnak ah mawtaw sawhsawh an hman tawn caah Gangaw-Kalay karlak ah a umkalmi mawtaw paoh cu kan kah cang lai tiah mipi sinah ralrin peknak cathanh an chuah hi a si. PDF Kalay nih cun an page ah a tanglei bantukin an tial.“Kahdohnak ruangah Kalaymyo le Gangaw karlak ah mawtaw in umkal hlah u tiah PDF Kalay nih kan thanh lengmang cang.
Tuzing in Gangaw peng Namkha le Htay Hlaw khua karlak ah PDF le ralhrang kahdohnak fak ngai in a um. Ralhrang nih umkalnak ah mawtaw sawhsawh an hman lengmang. Cucaah Kalaymyo in Gangaw lei ah zei bantuk mawtaw hmanh kal hlah u tiah ralrin kan in pek than hna. Mawtaw a kalmi cu zei bantuk an si zongah kan kah hna ko hna lai, ti kha hlankan in kan in theihter hna”.
Leave a Reply