Chinram Ah Ralbawi Pakhat Nunnak A Liam

Matupi Ah Rallokap Pakhat Nih A Bawipa A Kahthah. Chin ramkulh Matupi khua ah rallokap pakhat nih a cung bawi pakhat cu meithal in a kahthah tiah theih a si.Rallokap Khah-mah-yah 309 in rallokap pakhat nihcun Doh-Tatzinhmu reng a simi Bohmu pakhat cu zahan September 16 zaan suimilam 12:00 hrawng ah khan a thah . Dothlennak tuahmi ralkap he va kal i vai kahdoh ding a duh lo ruang ah,.

Bia i el hniar ak fak ngai in a chuak i atu bantukin kahthahnak a chuah hi si tiah rallokap he neihniam in ummi pakhat nih cun a chim. Kahthah a tongmi ralbawi cu a hmun ah a nunnak a liam colh i Matupi siizung ah a ruak an chiah tiah theih a si. Kan hnu August 29 lio zong ah Matupi khua ah Khah- Lah- Yah 140 tatzin chung ah Bogyi pakhat cu Cenaan ca a rel lio ah a kuttang rallokap pakhat nih a kahthah i amah zong ai that colh ve tiah Khit Thit Media nih a tial.

D-Day tiah thawngthanh hnu zarhkhat chungah rallokap phu lei in minung 190 leng an thi D-Day tiah thawngthanh hnu zarhkhat chungah kahdohnak ruang le buaibainak ruangah rallokap phu lei in rallokap minung 192 an thi,hliamhma tuar mi minung 68 an um tiah NUG in Ministry of Defense nih cathanh an chuah. Kawlram chungah February ni 1 thok in rallokap phu hna nih hramhram nawlngeih nak an lak hi thla 7 leng a rau cang.

A luancia September 7 ah rallokap phu hna nih hramhram nawlngeihnak an lak mi kong ah dohding in NUG cozah nih thanh nak a ngeih. PDF phu hna nih rallokap uknak dohding in le, mipi hna zong nih a herhlo ah khual tlawnlo ding in le pumpak cio humhimnak ding caah ralrin ding. Cun a herhmi sii-ai khon cia ding, tlangcung hriamtlai phu dihlak nih rallokap uknak doh ding le, rallokap uknak cu mipi thazaang nih doh cio ding in caan karlak president Doe Wa La Shila nih a chim. The Hakha

Hakha ah ralhrang phu hna nih nizaan September 16 ah hriamngan le hriamhme hmang in an kah hna caah nu pakhat hliam a tuar, mipi umnak inn cheukhat zong a rawk mi an um, nihin September 17 zinglei zong ah Hakha khuachung ah meithal puah thawng theih a si Chin ramkulh Hakha khua ah nizaan September 16 zaan suimilam 11:30 hrawngah hriamngan le hriamhme kah thawng theih a si.

Ralhrang phu nih an thlah mi kuan nih Hakhathar sang um mi nu pakhat cu a hliam, cun minung umnak inn cheukhat zong an rawk tiah theih a si. Nihin zinglei suimilam 9:20 hrawngah Hakha khua vuanci inn umnak lei he a neih nak hmun ah meithal puah thawng theih a si, mi zei nih an puah mi a si le, hliamtuar an um le umlo fehter khawh a si rih lo.

Be the first to comment

Leave a Reply

Your email address will not be published.


*