A Fanu Sinah Duhnak Bia A Chim Tu Tlangvaal Pa Cu A Pa Nih Namte In A Sawh
Kachin ram Putao pengkulh nizaan April ni 27 ah a fa nu sinah duhnak bia a chim mi tlangvaal mino pakhat cu nungak i a va pa nih namte in sawh tiah theih a si. Namte sawh tu hi Tayet Aung Laan ah a um mi a si i, a min ah U Kyaw Myo Oo a si. A mah hi Putao mipi siizung a saa cuah mah mi riantuantu pakhat a si tiah theih a si.
U Kyaw Myo Oo nih ka fa nu sinah duhnak bia a chim tiin a ti i, kum 18 a si mi tlangvaal mino Maung Dalan Gin Shin Aung namte in a sawh nak kong cu khuami pakhat nih Myitkyina News Journal sinah a chim nak in thawng theih a si.
” A fa nu sinah duhnak bia a chim tiin a ti i, ruah lo piin namte in a zak tang ah a sawh.” tiah a chim. Namte sawh a tong mi tlangvaal pa cu a hliamtuarnak thinphan tuk dir hmuh a phan caah Putao siizung ah aa thlop lio a si tiah theih a si.
Relchap, Henry Van Thio Fanu, J.Par nih “Nifa te Zing fate ka thawh khawh mi hi thluachuah pakhat a si. Ka nun lam thluan caah a voi hnih nak A-khut-A-Yi a um timi hi a zungzal in kei mah le kei mah tein ka ruat peng. Ka sin ah a um cia mi hi a tha bik tiin ka hmang lai maw a si lo ah dah ka sinah a um rih lo mi thilri hi kawlin ka care lai maw ti mi thimnak hi ni fatin kan sin ah a um peng
Cu ruang ah Zei poah cungah Pathian sinah kaa lom tuk. A luan cia mi kum 21 chungah kaa thim mi thil zei poah tlang ting lo ko hmanh seh law ka thinlung ruah nak a ka thawn ter. Cun kan sinah a um mi thilri tlawmpal caah pehzulh in thimnak kan ngei peng ko lai.
SAC Ralkap le Pyusawthi Umnak Camp Drone in An Kah,Pyusawthi 3 An Thi, Sagaing ramtthen KhinOo pengchung khua pakhat SAC ralkap le pyusawthi nih mei an khangh dih hnu in an kir lei ah umhmun an khuarnak camp cu drone in voikhat bomb thlakhnawh an tong minung 3 nak tlawmlo an thi tiah Royal Tiger Guerilla Force(RTGF) nih an thanh.
April 26, chunhnu ah KhinOo peng Poahtung(ပေါက်တုံ) khua mipi umnak inn cu mei an khangh i, thilri vialte an fir hnu ah a kirmi SAC ralkap hna cu drone thlakhnawh in doh an si tiah Royal Tiger Guerilla Force nih an chim. “Hliamhmi cu an um, minung zeizah set an si fiang tein kan theilo” tiah Royal Tiger Guerilla Force nih an chim.
Cu zaanlei ah cun Shwebo peng Khuntawnggyi(ခွန်းတောင်းကြီး) khua pyusawthi umnak inn cu drone in doh an tong than i khuabawi telh in pyusawthi 3 an thi tiah Royal Tiger Guerilla Force nih an chim. SAC ralkap le pyusawthi hna nih April 26, zinglei ah Tanbo khua cu mei an khangh caah khuachung dihlak ngawt in a ciamdih, cun Poahtung (ပေါက်တုံ) khua le Magyigan(မကျီးကန်) khuachung ah lut in mipi umnak inn zeimawzat an khangh tthan.
Leave a Reply