Cozah Sizung Meikang Chuak Mi Ah Nausen 10 An Thi

January ni 9 2021 zinglei nazi 1 hrawngah Maharashtra, Bhandara hmun ah cozah sizung ah meikang a chuak i, meikang ruangah hin nausen 10 an thi ti theih a si.

Mah meikang chuak mi hi nausen chiah nak room chungin a rak chuak mi a si tiah an chim, nausen pa7 hna cu vanthat ah an chan manh tiah an chim. Sizung i rian a tuan mi Sandeep Kadam chim ningah cun, mah meikang chuah caan hi zinglei nazi 1:30am hrawng a si tiah a chim.

Meikang hi an mit ter dih hnu ah nausen pa10 hna cu thi in an hmuh tiah van langter a si.

Meikang a chuah lio ah hin thilpuak thawng theih ding a tam ngai, mei thattu hna zong an duh ning bantuk in an cawlcang kho lo, an si khawh tawk in an i zuam ve ko nain naute cu an dihlak in an chhan kho lo.

Naute chiah nak room ah hin ni thum ni tiang ah khan naute 17 hrawng an um, Bhandara District Health Officer Dr Prasant Uike nih cun nausen a thi mi hna hi zarh hnih hrawng i upa mi le meikang khu ruangah a thi mi an si tiah a chim.

Mah bantuk vanchiatnak a phanh ruangah hin mi tampi nih cun hospital i riantuan mi hna cu an soi sel ngai hna.

Be the first to comment

Leave a Reply

Your email address will not be published.


*