Covid zawtnak runvennak sii cu a ra lai mi zerhchung ah vawlei rampi cheukhat ah cu hlan nak in a phawtzamh khawh deuh cang lai.
American nih kuatmi Johnson & Johnson
Covid runvennak chunhmi sii nuai khat cu tuzerh chung ah South Korea ramah a phan lai tiah tuanvo ngeitu hna nih Sunday ni ah an chim, kuat ding mi sii a zat hi tuan ah biakam mi nak in lethnih a tam tiah a chim fawn .
Zeibantuk deuh dah chunhhmasa si lai ticu Korea zawtnak runvennak riantuan tu agency director Ms.Jeing Eun-Kyeong nih fian ter nak a tuah .
” Ramhnih nawlngeitu hna nih biaruahcia ning in (kum-30) in a cunglei security phu ,mipi vengtu chungtel phu hna le raldohnak lei riantuantu hna caah” tiah a chim.
American nih kuatmi Covid runvennak sii chungah hin American president Joe Biden nih South Korea president Moon Jae-in cu bia a kamh bantukin South Korea ralkap hna caah chunhmi sii sing nga le cheu aa tel tiah Prime Minister Kim Boo-kyum nih a chim.
India ramchung ah cun aralai mi thlachung ah Covid runvennak sii nuai 120 hrawng chunh ding a um tiah nawlngeitu hna nih anchim. May thlachung chunhdingtiah timh mi nuai 80nak in tampi aachap.Milu nuai 1350 hrawng ummi India ramah 3% lawng nih Covid runvennak sii voihnih an i chun khorih.
Malaysia ramahcun runvennak sii chunhnak hmun center on ding ah timhlamhnak a um tiah cozah nih an langhter.Milu nuai 32 ummi Malaysia ramah 6% hrawnglawng runvennak sii chunhmi an si.
Brazil ramahcun president nih Covid runvennak kong tawnghtham ningcang an lungtlin lo caah minung sang renglo nih khuachung kip nawn ah lamcung chuakin lamzawhnak an tuah.
Johns Hopkins nih chinchiah ning ah, Brazil ramcu Covid zawtnak in a thimi hi 460,000 leng an si i, vawleicung ah hmunhnihnak athimi an tam bik nak ram a si. American ah Covid zawtnak in a thi mihi 594,000 leng an si,vawleicung ah Covid zawtnak in thihnak a tambik nak ram asi.
The Chin Post
Leave a Reply