Covid Committee nih bawmhnak pekmi aum lo caah Kyauk Don bawmchantu phu harnak an tong

Covid Committee nih bawmhnak pekmi aum lo caah Kyauk Don bawmchantu phu harnak an tong Karen ramkulh Kyauk Don khua ah Covid -19 zawtnak bawmchantu nih an tuah mi harsa mi bawmtu phu hna cu bawmchanh an ton lo caah harnak an tong tiah mi harsa bawmtu hna sin in theih asi.

Covid-19 zawtnak a ngei mi hna cu rianrang in kan kal pi hna, Covid in a thi mi hna ruak cu thlanhmun ah kan kal pi hna tikah Covid-19 Committee nih i runvennak thilri hna cu bawmhnak aum lo caah harnak kan tong tiah an chim.

Mi bawmhchanhnak rian cu lungtho tein atuan mi pakhat nih” rallokap uknak lak hnu cun ka cawlcang ti lo.Zawtnak a karh tuk hnu ah kaa tel than .Oxygen le a herhmi thilri tete bawmh kan herh tiah a chim.

Bawmhchan tu bu hna ah a tuanmi ahhin mino hna cu a hlankaanh te in timh cia tein i runvennak caah bawmhnak a um lo caah zawtnak kan i chawnh sual lai ti phan in harsa bawmhchanhnak rian tuannak ah an cawlcang kho ti lo tiah a chim.

Kyauk Don khua ah July ,15,2021 ah thawk in Covid-19 zawtnak ngei minung 5, Covid -19 zawtnak in a thi mi minung 1 an um tiah harsa mi bawmtu phu nih an chim.

Zawtnak ngei, athi mi, le a ngei lai tiah ruah mi hna he a pehtlai mi hna cu check le a hlankaanh in i runvennak a um lo ruang le a dik mi thawngpang thanhnak a um lo caah peng committee hna cu lunghrinh an si bantukin zawtnak a karhchin sual lai tiah khuami hna cu thinphang in an um. DVB

The Chin Post