Kan vawlei cung a bui ter bak tu virus Covid-19 zawtnak hi khawi ka in dah a van rat tiah hlathlai dingin World Health Organization in team expert hna cu china an phan cang.
WHO Team hna hi nili ni ah khan covid-19 rak chuahnak tiah an chim mi hmun wuhan an phan ti theih a si, Asinain rian cu an tuan colh rih lai lo, rian an tuan hlan ah an i quarantine ve rih a hau.
WHO Team hna nih hin a hram thawk bak in Covid-19 zawtnak hi khawi ka in dah a van rat ti cu an hlathlai lai, China mi fim hna zong he a herh ah cun an tuan tti lai, a hramthawk ah cun China nih a ram chungah WHO team hna hi luh a senh hna lo tiah an chim, A tu ah cun China lung a thleng ve si lai cu WHO Team zong tluang tein wuhan an phan cang.
Mah virus hi kum 2019 ah khan China wuhan in hmuh a si, mah zawtnak ruangah hin 1.9 million hrawng minung an thi cang.
Mah zawtnak kongah hin ruah ning a dang cio, a cheu nih china nih a ser chom mi a si tiah an chim, a cheu nih saram in a thawk mi a si tiah an chim ve.
A tu ah cun WHO Team China ram an phan cang i thawngpang dik kan thei deng mang cang lai.
Leave a Reply