Council Hriamtlai phu nih mipi an kah hnu ah minung pakhat an tlaih

Hakha Khuathar sang Thantlang lampial pawngkam hrawng ah ralkap nih mizapi an kah hna hnu ah minung pakhat an tlaih tiah thawng kan theih.

Hi kong he pehtlai in pawngkam minung pakhat nih, “Suimilaam 6:00PM ahkhan ralkap nih mizapi an dawi hna. Meithal zong in an kah len hna nain an khen mi cu an um lo. Minung pakhat bel an tlaih i an kalpi,” tiah a chim.

Nihin zaanlei suimilaam 6:00PM fai zong ah Hakha CDF ralkap le Council hriamtlai phu kar ah kahdohnak a chuak i hriamtlai phu lei in minung pali an thi tiah theih a si.

The Hakha Post