Diego Simeone cu tu nai kum 10 chung ah coach tha cem ah thim a si i, mah bantuk si ding hin Manchester City manager Pep Guardiola le Tottenham Hotspur manager Jose Mourinho cu a tei hna.
International Federation of Football History and Statistics (IFFHS) nih cun Atletico Madrid boss Diego Simeone cu kum 10 chungah football coach tha cem ah a thim.
Simeone nih hin Atletico Madrid a zohkhenh hnu ah League title voi khat lawng a lakpi hna, asinain Coach of the Decade caah thim a si thiamthiam. Kum 50 i upa mi Diego Simeone nih hin Atletico Madrid cu Europe khuapi i club tha cem hna ah a tel ter ve khawh i, mah ruangah hin laksawng an pek nak a si.
IFFHS nih cun, “Diego Simeone hi kum 10 chung ah khan a cawlcangh ning a ttha ngai. Mah caan chung ah khan Atletico Madrid cu La liga title 1, Copa del Rey 1, Super Copa Espana 1, UEFA Europa League title 2, UEFA Super Cup 2, a lakpi hna pin ah UEFA Champions League lei ah voi hnih bak final a kaipi khawh hna.
Mah bantuk in kum 10 chung ah a cawlcangh ning a that tuk ruangah mah laksawng hi a co nak a si.
Kum 10 chung ah khan Simeone hi Zinedine zidane nak in European title a la tlawm deuh i, Pep Guardiola nak in League title zong a la tlawm deuh, Asinain ranking system lei ah a point hmuh mi a tam ngai. A hohmanh nih an tluk lo caah mah laksawng hi a co nak a si.
Coach of the Decade
Diego Simeone : 152
Joseph Guardiola : 144
Jurgen Klopp : 105
Jose Mourinho : 91
Maximiliano Allegri : 77
Unai Emery : 70
Zinedine Zidane : 59
Carlo Ancelotti : 57
Mauriccio Pochettino : 56
Marcelo Gallardo : 56
Antonio Conte : 53
Claudio Ranieri : 36
Alex Ferguson : 35
Luis Enrique : 35
Josef Heynckes : 34
Ernesto Valverde : 26
Arsene Wenger : 25
Leonardo Jardim : 25
Jesse March : 22
Laurent Blanc : 21
Leave a Reply