CNF/A Lutlai le KIA Hriamtlai Ral An Do Ti Lungrualnak Cu Teinak a Si

Nihin ah SAC ralhrang a phomh tu hna hmanthlak cu Kachin Multimedia nih a tarlangh i cu lak ahcun CNF/A ralbawi zong aa tel ve. Nihin ah SAC ralhrang pawl cu Ambush an tuah hna i KIA lei nih tam ngai an thah hna ti asi. Nihin raldohnak ah KIA min lawng langhter a si, ral a dohtu hna hmanthlak tu ahcun CNF/A ralbawi an langhter chih ve hi asi.

A sen tein kan sawh mi hi CNF/A ralbawi, Kachin ram ah a um mi a si. Nihin October 27, 2021 ah khan KIO/KIA Tatmaha (2)an umnak hmunram lei ah SAC ralhrang pawl cu a thli tein an rak kai. A si nain KIA lei nih lampi in Ambush an rak tuah cia cang hna i faak ngai in an phomh hna tiah Kachin Multimedia nih cun a tarlangh.

Zinglei suimilam 3:00AM (Khuadei deuh hlan) ah SAC ralhrang phu pawl cu a thli tein KIA umnak lei ah an kal hi asi. A si nain KIA nih an rak theih hna caah Bomb le hriamnam tha he an rak pomh colh ve hna i SAC ralhrang lei cu tam ngai an thi tiah a langhter. Kachin Multimedia nih hin SAC ralhrang lei a thi mi milu zat cu a langhter lo, a si nain tampi an thi ti tu in a tarlangh.

Cu hnu zong ah cun KIA lei nih Ambush an tuah hna i a pehpeh in Bomb he Hriamtha he SAC ralhrang pawl cu an phomh chih hna tiah zong a langhter fawn. Note: Atu hmanthlak hi nihin SAC ralhrang pawl a phomh tu hna an si tiah langhter mi asi. A kaam lei ah a sen tein kan kulh chih mi khi CNF/A ralbawi cu asi.

CNF/A cu Chin ram lawng ah si loin, Kachin ram tiang zong ah biatak tein SAC ralhrang an doh peng cang timi cu atu Kachin Multimedia nih a tarlangh mi ah hin a lang ngai ngai cang. Relchih Czech Ram Ah NUG Palai Zung On A Si Cang Oct 27, nizan ah khan Czech ram ah NUG cozah palai zung on a si cang tiah NUG nih a thanh.

NUG’s Representative office onnak ah Czech ramleng vuanci aiawh in DAVID ńĆERVENKA nih a telpi hna. David Cervenka nih cun Czech cozah nih NUG cozah cu kan in dirkamh peng hna lai, cun atu bantukin kan ram ah palai zung on a si hi kan i lunghmuih taktak tiah a chim.

Cu lawng si loin Czech cozah nih Democracy, nuhrin covo, tlukruannak, remdaihnak le zalonnak an hmuh khawh nakhnga Myanmar mipi nih an i zuammi cu kan upat hna i an leiah kan dir peng ko tiah a chim fawn. Palai zung onnak ah cun NUG cozah tha a pemi Czech rammi, Czech ah a ummi Myanmar mi le atulio Czech ah a tlawngmi NUG cozah nuhrin covo vuanci U Aung Myo Min hna an i tel kho tiah theih a si.

Be the first to comment

Leave a Reply

Your email address will not be published.


*