CNA Le ZRA Nihnih Chung Pehzulh In An I Kap
Chinram, Tidim peng chungah CNA le ZRA cu April ni 27 in thawk in nihnih chung pehzulh in an i kap tiah thawnh theih a si. CNA le ZRA hna cu Tidim khuapi ah April ni 27 , zing lei Suimilam 7:00 hrawng ah voikhat, April ni 28 ah voikhat, pehzulh in ni hnih chung kap hnih in an i kap tiah thawng theih a si.
Mah kahdohnak cu minute caan chung cio lawng a si i, kahdohnak taktak si loin, kah dohnak a hme a si tiah theih a si i, Mah kahdohnak ah cun hriamtuatuar le a thi mi an um lo tiah CNA he aa ngeih niam mi pakhat nih a chi. A si nain mah kahdohnak ah tuan deuh thawngpang kan theih ning ah cun ZRA in minung pakhat a nunnak a liam tiah theih a si.
” Kap hnih in an i kap, kahdohnak taktak cu a si lo” tiah a mah nih cun a chim. “A ruang cu CNA nih kan ukmi ram Tidim ram ah an kan luhhawh caah kahdohnak a chuah hi a si ” tiah ZRA he aa neihniam mi pakhat nih a chim. CNA Le ZRA hi 2021 November ni 17 lio ah voikhat kap hnih in kahdohnak a rak chuang bal cang.
Chinram dohthlennak a tuahtu phu fonh a si mi, CDJC (Chinland Defense Join Committee) nih ZRA ( Zomi Revolution Organization/ Zomi Revolution Army (Eastern Command) cu SAC ralhrang nih a kahdoh ding, a herh mi, duhmi humram chungah CDF pawl a tu le tu in a kahdoh hna ruang ah sahrang phu an si tiin 2022 April ni 22 ah cathanh a rak chuah cang.
ZRA nih Tidim le Tonzang pengkulh ai awh khawh lo caah a tu bantuk in cathanh theihter nak kan chuah hi a si tiah langhter chap a si. ZRA nih cun SAC ralhrang nih hramhram in uknak a laak hnu in a tuni tiangah SAC ralhrang voikhat hmanh doh lo in, SAC ralhrang kahdohtu CDF le CNA a kahdohtu phu SAhrang an si.
Relchap, A Voi 31 Nak SEA Games Lentecelhzuamnak Ah Sui Laksawng A Cotu Cu Ting 300 Pek Nan Si Lai By Min Aung Hlaing, A Voi (31) nak SEA Games ah Myanmar aiawh in aa zuam hnga ding nih Sui Laksawng nan hmuh a si ah cun Ting 300 laksawng kan pek hna lai tiah SAC ralhrang MIn Aung Hlaing nih a chim. Tuni April ni 29 ah tuah mi a voi 31 nak SEA Games ah aa zuam hnga ding teinak hmuhnak ding Flag peek nak puaiah a cung lei bantuk in a chimnak hi a si.
SAC Ralhrang Min Aung Hlaing nih ” Myanmar aiawh in laksawng a hmu mi pawl caah sui laksawwng a hmu mi minung pakhat cio ah phasa ting 300, Ngun laksawng a hmu mi minung pakhat cio ah ting 200, Copper (Dan) laksawng a hmu mi pakhat cio ah ting 100, A team in sui laksawng a hmu mi ting 100,
A team mi ngun laksawng a hmu mi ting 70, a team in Coopper (dan) laksawng a hmu mi ting 35, a ream in sui laaksawng a hmu pi mi Coach caah ting 100, Ngun laaksawng a hmu pitu Coach caah ting ting 50, Copper (Dan) laksawng a hmu pitu Coach caah ting 30 pek nan si lai.” tiah SAC ralhrang Min Aung Hlaing Nih a chim.
Cu leng ah, hrauinak lei in hruaitu phu caah Sui laksawng a hmu pitu chimhrintu hruaitu caah ting 100, Ngun laksawng a hmu pitu ting 50, Copper (dan) laaksawng a hmu pi tu ting 30 laaksawng pek nan si liam tiah a chim. SAC ralhrang Min Aung Hlaing nih” Zuam cawk nak ah kan chuah sem nak Myaanmar ram min thatter nak tuanvo cu rampi cozah nih pek a si lai caah,
Lentecelhnak phu nan zaapi nih ramdawtnak thinlung, miphun dawtnak thinlung he thazaang dihlak chuah in i zuam ding in sawm kan duh hna” ti zongin a chim. A voi 31 nak SEA games cu Vietnam tuah a si lai i, May thla ni 12 in 13 tiang tuah a si lai tiah theih a si. Mah zuamnak ah cun Myanmar aiawh in minung 292 an i zuam ve lai tiah theih a si.
Leave a Reply