CNA le CDF pasaltha hna sin nawlnak – Atulio ka tihzah bikmi le ka uar bikmi nan si. Nan thil tuahmi kong ah i thlak ding hmanh khi kai tlak lo ka hngalh, kai thlak ahcun ka caah tih a nung kho timi zong ka hngalh cia fawn. Nain,- -Uico ralkap khi khualeng ah thah cawk lo an um rih ko, Gangaw-Hakha le Thantlang-Hakha kar tampi an um ko.
Mah pawl hi thah dih hmasa loin khuachung ummi nan kah tawn hna khi mipi zawnruahnak lungthin he kan ngol piak rih hram ko u tiah kan nawl hna. -Khualeng ummi nan fimtawl dih cang hna i khuachung lawng ah uico pawl an i thup i khualeng an chuak ngam ti lo timi caan a phak belte ahcun khua chung zong ah kah hrimhrim an hau te hnga.
Atu belte cu khualeng ah tampi an um rih ko caah khuachung ah kah caan a cu rih lo tiah ka ruah. -Khuachung ah kah ahcun uico ralkap nih inn an khangh lai, mi sawhsawh zong an duhduh an thah hna lai timi cu nanmah telh in aho poah nih hngalh cia a si ko, cuti hngalh cia ko buin khua chung ah nan kah lengmang hna khi a dik tiah ka ruat lo.
Miphun temtuarnak hi kan zoh piak chih hram ko u. -NUG nih D-Day an thanh hnu Yangon, Mandalay, Monwya le Naypyidaw ah chimtlak ral thawh a um rih lo, a chel caan tlerhnak bomb an puahmi lawng a si. Anmah an cawl tuk hlan ah kanmah lawng in khuachung ral kan thawh lengmang i Laimi vialte ralzam dirhmun kan phak dih sual ahcun
kan miphun nih harnak kan tuar ding a fak tuk lai. Cu kong biachahnak cu atu lio nanmah kut cung ah a um, miphun mitthli zoh chih buin khua kan khan piak hram ko u. -Kan miphun nih a thawngmi miphun ralkap kan herh, kan ralkap nan thawn deuh ah hmailei kan miphun luatnak lam a kau deuh. Nain, atu lio caan ah miphun harnak a pe khomi khuachung raltuk belte cu a herh rih lo tiah ka ruah.
Khualeng ah cun duhzat i phomh ding a si ko nain. —Hi cabia ka tial ruang ah Laitlang ummi kan inn, kan motor le ka business caah tihnung kho timi fiang tein ka hngalh cia ko, nain miphun caah ka tial a herh bik caan a si tiah ka ruah caah ka tial, i ka thilri le keimah zei kan ton zong ah ka lungfak lai lo, ka cohlang cia. Salai Lungthli tum
Ralhrang phu nih nawlngeihnak an lak hnu ah internet hmankhawh nak cu a tla ngaingai tiah Freedom house nih cathanh an chuah Myanmar ramchung ah internet line hmankhawh nak cu a tlatuk tiah Freedom House le Free Expression Myanmar phu fonh nih an chuahmi cathanh ah an langhter.
Internet hmankhawh nak ding ah dawnkham tu, rikhiah piak mi chung lawng in hman le, internet hmangtu hna caah covo lakpiak in zohfelnnak an tuah. A luancia cozah chan kum zong ah Myanmar ram ni tlaklei Arakhan ramkulh ah internet line hman khawh lo in a kum tiang phih piak an rak tong.
Cu bantuk internet line phih piak nak kong he pehtlai in, internet line on piak than ding ah cawlcanghnak a tuah tu hna cu tlaihkhih in thongthlak an rak tong. “Cu hlan internet phih piak mi cu raldohnak ruang tiang an langhter.Atu ah Pyimah lei zong internet line phih piak an si caah mipi hna nih ralhrang dirhmun le riantuannak cu an fiang chin.
Kanmah lei nih ralhrang hna thlak nak ding ah kan tuahkhawh lo a si ahcun atu bantukin nuhrin covo buar nak cu an duh ning in an tuah ko lai” tiah Burma ramkip sianghleirun bu Chiarman Ko Awng Pyih Sung Phyu nih BBC ah a chim. Atu ah Kachin ramkulh, Phakanh peng internet line phih nak thlakhat leng a si cang,Mandalay,
Sagaing le Magway ramthen chung in a tlawmbik pengkulh 10 ah internet line an phih.Atu bantuk an tuah mi hi ralhrang phu hna nih hramhram an thiltuahnak cu pehzulh in le an thiltuah mi kong ah,mipi hna nih theihlo ding in tinhmi ngeiin an tuah tiah Sagaing ramthen hrambunh phu 98 zong nih cathanh an chuah.
Leave a Reply