Chin National Army – CNA si mi kan miphun ralkap pakhat nih April 4 ah ralram hmunhma pakhat a kal nak ah a nung nak an ka liam tak .Miphun lei ram caah a nung nak a pek mi Lieutenant Si Thu Aung cu Chin National Army -CNA nih April 6 ah upat nak le chungkhar ngeihchiah pi nak caah cathanh an chuah.
Mah cathanh cu a tanglei lai hmanthlah hi a si.
Ram le miphun nak an rian tuan nak cu an philh hrim hrim lai lo , an ral thah tuk caah ram caah an nung nak na pek mi cu The Chinland pi nih an philh hrim hrim lai lo , kan pasal tha Lieutenant Si Thu Aung .
Thawng dang; Chin State, Matupi pengkulh, Ramtin khua cu ralhrang nih mei an khangh tiah Chin Defense Force- CDF nih thawng an zam ; Chin State Matupi pengkulh, Ramtin khua inn cu ralhrang nih mei an khangh tiah Chin Defense Force – Matupi nih thawng an thanh.
Kyauk Htoo in Matupi lei ah ralkap thazang chap ii a ral mi motor dongh ding in an kal mi Mitupi um ralkap nih cun nihin Apirl 6, chunlei suimilam 12 ah Ramtin khua cu mei an khangh ii suimilam 1 tiah mei a mit rik lo tiah an chim.Khua mi cu an luat nak ding caah an zam dih tiah an ti.
Mah mei an khangh nak a ruang cu March 30 in nihin April5 tiah ah Chin Defense Force- Matupi nih a thil tein an kah hna, bom an rem mi in an doh hna ii ralhrang lei in an thi mi an tam caah an thinhung tuk ruang ah a si tiah Chin Defense Force -Matupi chimnak nawl ngei tu nih an chim. March 30 in April 5 tiah ah Chin Defense Force – Matupi nih an kah hna ii ralhrang lei minung 25 an thi tiah an chim.
Atu Matupi lei ii an kal mi ralhrang cu Matupi an phan nak hnga ding ah khua3 an duh rik caah mah a duh rik mi khua hna cu , na ngei mi thli ri a man a sang deuh mi pawh kha i lak dih uklaw zam dih uk tiah Chin Defense force;- Matupi rian ngei tu nih an chim hna.
Thawngdang; Philippines ram Ministry of Health nih cun COVID-19 raikhamsii a hleivuang mi pawl cu Myanmar ram le Papua New Guinea ram an pek lai, tiah theih a si. Philipines nih cun atu hnu thla 3 ah chunh caan luan ding COVID-19 raikhamsii dose nuai 27 tluk a ngei rih i, cu lak ah hnarcheu cu Myanmar ram le Papua New Guinea ram pek a timh.
“COVID-19 raikhamsii a hlei mi dihlak cun kan pe hna lai lo. Anmah lei nih zeizat dah an herh i kanmah lei nih zei tuk dah kan bawm khawh hna lai, ti mi zoh chunh in kan pek hna lai. kan check cuahmah lio a si,” tiah Philippines ngandamnak lei in chim phuannak nawlngeitu Maria del Rosario nih a chim.
Philippines ram ah hin minung milu nuai 110 an um i, nuai 66 cu COVID-19 raikhamsii an i chun cang. Cu lak ah cun nuai 12 cu a voithumnak an i chun cang, tiah theih a si. COVID-19 raikhamsii aa chun rih lo mi minung nuai 40 an um rih nain chunh caan a luan hlan ah chunh ding in aa relrem lo ruang le harnak dangdang a um ruangah ramleng pawl pek ding, tiah Philippines nih timhtuahnak a ngeihnak hi a si.
March thla dongh tiang cazin lak mi ning ah Myanmar ram ah COVID-19 raikhamsii aa chun cang mi hi minung nuai 26 hrawng an um i, Myanmar ram milu hnarcheu an i chun cang tinak a si. Milu nuai 9 hrawng umnak Papua New Guinea ram ah cun minung 3% tluk lawng COVID-19 raikhamsii aa chun mi an si rih i milu sing 3 tluk lawng nih raikhamsi an i chun rih. Papua New Guinea ram ah siibawi 500 hrawng lawng an um i nurse an tlawm tuk, tiah theih a si.
Leave a Reply