CNA Kan Ralkap Kan Pasal Ttha Hna Nan Pam Tuk E, Ralhrang Kutin Maw!

Ram le miphun ca a nunnak a pe mi CNA ralkap hna hmanthlak
2022 May ni 5, Ram le miphun kilven raltuknak hmun ah a nunnak a petu CNA ralkap pasal tha pali hna hmanthlak cu CIC nih upat peknak le ngaihchiatpinak he nihin ah a langhter. May 5 raltuknak ah nunnak a petu Chin National Army (CNA) in ralkap pali; Bawino Van Biak Tling, Coporal Thawng Hup Lian, Ralkap Zo Lian Thang le Ralkap Biak Hlei Sang hmanthlak langhter an si.
CDF Thantlang zong nih, May 5 raltuknak ah ram ca nunnak a petu CDF-Thantlang in ralkap pali upatnak le chungkhar ngaihchiatpinak ca an chuah ve.

Relchap, Rakhine ramkulh Ann khuapi chung hmun 4 ah mipi inn 200 fai cu SAC nih kanmah hmun hmun a si caah May 15 hlan ah hrawh dih a si lai tiin Ann peng Department of Medical service nih thawng an thanh. A tu ah inn 100 cu hrawh piak an si cang tiah theih a si. Nihin (May 7) ah vanlawng ground sang i mipi inn 70 leng hrawh piak kan si cang tiah inn hrawhpiak a tong mi U Maung Gyi nih lungnuam lo ngai in a chim.

” Hika hmun ah kan umnak hi kum 20 a si cang. Ri en in kan ummi le kan ummi zong a si lo.Hi ka hmun hi palek nih an rak zuar mi a si i kyats sing 1 in kan rak cawk. A tu ah squatter’s house(ကျူး) a si tiin a kan hrawh piak, hi kong ah kan lung i sak awk a tha lo,” tiah a chim. A luancia April thla dongh zarh ah khan Ann khuapi chung ah ummi Natsinkone(နတ်စင်ကုန်း), khah-mah-yiah(ခမရ) 371 pawng sianginn pakhat, dawr khaan pawl le mipi inn tel in inn 50 SAC ralkap le palek nih an hrawh piak hna.

Inn hrawh piak a tong mi hna cu an chungkhat inn ah an um chung hna i an sungh mi kong ah cozah nih liamh ding zong an i ruah chan. A luancia March 10 zong ah khan Sittawi(စစ်တွေ) khuapi thlanhmun le tlanglawng lam kam ah ummi squatter’s house 300 leng cu SAC nih thazaang hmang in an hrawh piak hna.

Shan ram thlanglei le chaklei thla 4 chungah vawlei phummi bomb le hriamhlei hna ruangah tualchung mi 14 an thi i, 45 hliam an tuar tiah theih a si. Tualchung mi hna cu an rianttuannak hmunhma ramlak an kal ah hriamtlai tu hna nih an hmanhmi bomb lamhsualnak ruangah le kahdohnak chungah hrelh takmi/a taangmi hriamngan puahnak ruangah a thi mi le hliamhma tuar mi hna an um hi a si.

Nunnak a liammi hna le hliamhma tuarmi hna chung in kum 5 tang ngakchia zong an i tel i, cu ngakchia hna nih cun a puak rihlo mi hriamngan an char i lentecelhnak ah an hman i puahkehnak le nunnak liam tiang a chuahnak a si. April thlachung ah vawlei phummi bomb le hriamngan puahkehnak ruangah minung pakhat a nunnak a liam i, minung 6 hliam an tuar. March thla ah minung 8 an nunnak a liam i minung 18 hliam an tuar. February thla ah minung 2 an nunnak a liam i, 7 hliamhma an tuar. January thlachung ah minung 3 an nunnak a liam i minung 14 hliam an tuar tiah theih a si.

Ukraine President Zelensky nih” daihnak kan hmuh tthan lai, daihnak cu kan mah sinah a kan peek than lai i, kan mah kut ah a phan tthan lai. Ukraine ram nih teihnak a hmuh nak cu vawlei cungpi ah a um mi, mi kip caah a zami, aa tlak mi a si lai i, Mikip caah hnawhnawh buainak, zumh lo awk a um lo mi teinak a si lai.

Khi tikah ramkhel le chawlehnak cu pahnih in Vawleicung ram pumpi upadi nih a zulh lai i, an mah pumpak in lunhtlinh mi min  thut mi pawl cu a cohlang rih lomi nih zofel a si te lai. Ukarine cu thlahra chung kahdohnak a ton hnu ah Russia a cohlang mi vawleicung ram thawng bomhnak peek nak ah,

Ukraine kong tonbiaruah ceihhmainak nih kan mah i, kan ram, Europe ram le zalonnak a hmu mi vawleicung pi teinak hmuhnak dingah lam cungah a um mi nih tettee an kan hmuh ter kho. Kan ram cu tlamtling tein zohkhen khawhnak cu pehzulh in kan sinah a um tthan ko lai. Kan nih cu lungin sakmi in pakhat ah kan um. Vawleicungpi ram le mipi hna nih a kan doh tu cu sungh dingah thazang an kan peek i, an kan cohlan.” tiah a chim.

Be the first to comment

Leave a Reply

Your email address will not be published.


*