Real Madrid le Spain defender ropui Sergio Ramos cu Real Madrid chuahtak dingin a tim tuah lio a si. English club Manchester United lei ah i tthial a duh tiah van langter a si.
Kum 34 i upa mi Sergio Ramos hi tu tan season chuih dih tikah cun a contract ngei lio mi cu a hman dih ve cang lai, contract thar kong ah idor nak an ngei tawn ko nain hnatlaknak an ngei kho lo, Sergio Ramos nih kum 15 chung caan a rak hman ve nak Santiago Bernabeu cu chuah tak ve hrimhrim a tim ve cang ko hih.
Real Madrid nih hin kum 2 hrawng um than dingin contract thar tialpi an tim pin ah kum khat 10.8 million lahkhah ah pek an tim tiah thawngpang theih a si. Ramos hi Manchester United lawng si loin French club Paris Saint-Germain zong nih lak an duh ve.
United pawl hi kan theih cio bantuk in defender lei ah an chanbau tuk rih, an buainak cem ser dingin vawlei cung defender tha cem Ramos hi lak an duh, Ramos hi an lak khawh a si ah cun an tha bak cang lai tihnung bak an si cang ko lai.
PSG zong nih Sergio Ramos hi an defender Chelsea lei ah a tthial mi Thiago Silva thlengtu dingah lak an duh.
The Mirror nih a van langhter ningah cun Ramos le United nih hnatlaknak an ngei cang tiah a van langter. Ramos unaupa le a agent simi Rene Ramos zong nih PSG lei ah i tthial nak cun England lei ah i tthial cu a tha deuh tiah a chim ve. Sergio Ramso club thar ding cu Manchester Untied hi si dawh a si ko hih.
Leave a Reply