Chungkhar Um Nak In Ah Nu Le A Fale Pathum Cu Thiin Hmuh An Si

January thla ni 15 ah khan melbourne, Australia i Tullamarine ah chungkhar um nak inn ah minung pa 4 cu thi in an hmu hna, nu cem Katie Perinovci 48 le a fale pathum cu thi in hmuh an si.

Hngakchia a thi mi hna hi kum 3 in kum 7 karlak hrawng an si, an min hi Claire 7, Anna 5 le Matthew 3 hna an si. Palik hna nih an zum ningah cun mah bantuk thih nak a chuak mi ah hi, an zumh cem mi cu nu cem Katie Perinovci hi a si.

Perinovci pasal Tomislav kum 48 i upa mi nih thil a cang mi a theih le cang ka in emergency service lei ah a kal ve colh, Palik hna nih Perinovci pasal Tomislav cu bia an hal hnu ah an chuah ter than.

Investigators hna nih Tomislav hi mah bantuk thih nak a cang mi ah hin a tel an zum lo, asinain palik hna nih thil si ning thei dingin an hlathlai cuah mah lio a si. an zumh ningah cun Katie nih a fale pathum a thah dih hnu ah amah le amah a thah an zum.

Katie Perinovci hi thla 3 liam cang mi ah khan ruah lo piin Glenroy Physiotherapy Centre i a riantuan nak in a din ti theih a si. Palik hna nih an thih ning a ruang thei dingin an hlathlai cuah mah lio a si.

Be the first to comment

Leave a Reply

Your email address will not be published.


*