Chinram laknak dingah ralkap thonghra si theng hau lo Chinram ukpennak dingah hin Chin ralkap 6,000 hi hriamnam tlingte ngei kho hna sehlaw a za ngai ko.Chin ralkap thong 10,thong 20 an si zongah hriamnam tling an ngeih lo cun sana tlai tuk hlei lo.Kawlram tuahbia ah a um bal lo mi a umter tu Chin pasalttha pakhat a um.
Mah cucu a ho mi dang silo in Matupi in Pu Thai Chawn (Captain Aung San Thuriya Thuya Taik Chon (aka) Pu Thai Chawn nih Chinram raltuk kongkau ah tihin a rak chim bal”Chinram lak le uknak ding caah ralkap tampi a hau lo,ralkap 600 kan si ahcun Chinram hi ka lak khawh lai” a rak ti. A chan lio le tuchan aa lawh lo caah tu ahcun 600 silo in thongruk tu ka tinak si.
Cucaah tu kan dirhmunah cun tulio Chinram dothlennak tuahmi CAN/F le DCFs um cia hi a za diam ko ti a langhter.Chin ralkap thong 10 an I I hriamnam tling kan pek khawh hna ahcun a ttha chinchin ta mu; nain kan pek khahw hna lo ahcun pek khawh zat,ralkap thongnga(6,000) an si I hriamnam kuttlaih tling an ngeih/kan ngeih ter khawh hna ahcun a za ko tikha chimduh bikmi cu si.
Chin mipi dihlak hi Chin ralkap kan si dih cang ko,Chin ralkap timi ah hin meithal le bomb tlaih le put theng lawng silo,Chin ralakp eidin le tii hraikhat na pek ahcun Chin ralkap na sive.Cucaah Chin ralkap meithal tlai thong 6,000 kan si ahcun mah cu Chinram laknak ah aza ko . The Chin Post
India le Myanmar pehtlaihnak caah Lawngtlai district in Kawlram lei luhnak lam cawh lio mi Kaladan Multi Modal Transit Transport Project cu 96.21% a dih cang. KMMTTP lam hi 2010 October 12 ah hramthawk a si i, Mizoram chungah km. 99.830 lam cawh dingin budget rupees 575.96 crore tuak a si nain,zohthan a si hnuah lam cu km. 90.820 ah thumh a si i, budget estimate crore 677.20 ah a kai.
Lam hi fun( package) pathum ah then in tuan dingin timh a si i, 2016 June 11 ah dih dingin timh a si nain atu ah 4% hrawng a tang rih tiah theih a si. Mizoram Public Work Department (PWD) document ahcun KMMTTP lam cawhnak ah pumpak, bu ram a hrawh mi conpensation a haltu hna nih ram hi sq.km. 25,940.05 a si i, mah hi Mizoram pumhuap sq.km. 21,081 nak in sq.km. 4,859.05 in a kau deuh.
Lampi caah ram an lak/hrawh ruangah compensation kong hi Anti Corruption Bureau (ACB) nih hlathlainak an tuah mi a si i, 2020 kum donghlei ah khan an thil hmuh ning cu court ah a voi 2 nak chargesheet pek than a si. PWD chief engineer (highways) Lalruatkima nih vanglaini sin ah a chim ning ahcun, KMMTTP cu 96.21% kan dih cang.
Tuan ding a tangmi ah hlei pakhat donh ding lawng rian har mi a um cang. Hlei 7 kan donh cang i, a tang mi cu lam kauh le dawhter deuh hna lawng a si cang. Revise estimate kan hal than lio a si i, Package 1 caah revised estimate cu cohlan a si cang i, package 2 le 3 an cohlan khawhnak dingah kan i zuam cuahmah lio a si.Revised estimate a herhnak a ruang cu lam cawh cia mi a cimh/minh tuk ruang le rulhnak/hrawh man liamh pin ah rian kan tuan khawh caan a tam ruangah a si tiah a chim. Ref; Vanglaini
Leave a Reply