Chinland, Tedim peng le Tonzang peng in Mizapi humhimtu ralkap phu 8 hna cu Zomi Hluttaw palai 5 hna hruainak in May 15 ah tonbiaruahnak an ngei tiah theih asi. Cu tonbiaruahnak ahcun CDF- Hualngonram, CDF- Tonzang, CDM-Siyin, LDF- New Haimual, People Defense Army(PDA), PDF-Zoland, Zogam Army le Zomi PDF hna an i tel i suimilam 3 chung khuakhan lairel ttinak an ngei.
Tu bantuk in tonbiaruahnak an tuah mi kong ah ” A biapi bik cu khat le khat i theihthiam nak ding le i palh sual i i kahsual a um lonak hnga pehtlaihnam ttha tein ngeih a herhnak kong kan ceihkhan, a hlan deuh ahcun khatlei rallam an sial ah khat lei nih theih a si ti lo i SAC ralkap ah rel in i kah sual a um tawn, ZRA zong dohthlennak ah i tel ding in a lamkip in kan i zuam, kan soilem cuahmah hna ” tiah ttuanvo ngeitu pakhat nih a chim. ” Hi tonbiaruah nak ah hin Tidim peng le Tonzang peng hraimtlai phu lawngin an tuah hnga? A dang hraimtlai Chinram ah a um mi hna zong an sawm hna hnga lo timi hi ruah domh ngai a si.
Arakan (Rakhine) ramkulh chung ah zeitik caan paoh kahdohnak a chuak kho si caah mizapi ralring tein um uh tiag Arakan Army (AA) nih ralrinnak a thanh hnu ah Rakhine ramkulh Yatehttaung peng ralzam camp um mi tleirawl 3 cu SAC ralkap nih May 16 ah an tlaih hna. Tlaih a tong mi tleirawl 3 hna hi Yatehttaung peng, Laikun khua mi Maung Aung Myo Khant( kum 16), Maung Nay Htun Oo( kum 17) le Maung Khaing Myo Lyin ( kum 17) hna an si i Yatehttaung khuapi chubg Pyinlung Chanthar phungki sianginn ah ralzam in ai dor mi an si hna.
” Hi tleirawl 3 hna hi Ralzam in i dor peng an huam lo caah, rian kan ttuan lai an ti i Tantwe khua lei ah Saikel pakhat in an kal, Yatehtaung -Ponenakyun lampi an zul i Ponenakyun peng Paukdawpyin khua pawng chek gate ah SAC ralkap nih an tlaih hna hi asi, An tlaih hna hi zaanlei slm 5:00 hrawng a si i an kan tlaih an ti i phone kakhat hnih kan i chawn i line a tla i kan pehtlai kho ti hna lo, tiah Yatehtaung khua mi pakhat nih a chim. Hi an tlaih hnanak chek gate hi SAC ralkap nih zaan slm 6:00 hnu in kal an siang tilo tiah theih asi. Rakhine ramkulh chung ah ral i ngiarnak a cho sang chin lengmanv i SAC ralkap he naihniam in umlo ding ah le zeitik paoh ah kahdohnak a chuak kho tiah May 15 ahkhan Arakan Army (AA) nih cathanh chuah.
AA Ralbawi Twan Mrat Niang le NUG ramdang vuanci Daw Zinmar Aung , U Min Ko Naing hruai mi NUG hoikom phu hna cu tuni May ni 16 zinglei sang ah suimilam pahnih chung online in ceihhmainak an ngei tiah theih a si. Mah ceihhmainak ton biaruahnak ah,
Bochohgyi Twan Mrat Naing phu chungtel a simi Dr Ngeuo Twan Aung zong mah ceihmainak ah a kai ve tiah theih a si. Ramkhel kongah a tu lio a cang mi ramkhel sining, rampi sining kong cu kap hnih in sunglawi ngai tein ceihhmainak an ngei hna tiah theih a si. Cu pinah NUG lei nih a tu ah a tuan cuahmah mi thil sining konh zong ceihhmainak an ngei tiah theih a si.
Leave a Reply