Chinram Hmun Pakah Ah Ralhrang Nih I Kahnak Kongah Nawlnak An Tuah

“Mindat-Matupi karlak ah kan Kap Hlah U” tiah SAC Ralhrang nih Matupi ah Loudspeaker in an Au – Mindat le Matupi karlak ah rak kan kap hlah u tiah SAC ralhrang nih nihin zaanlei ah Matupi khuachung ah Loudspeaker in an au. “Mindat-Matupi karlak ah lam a cimmi kan remh lai caah rak kan kap hlah u.

Na kan kah hmasa lo ahcun zeihmanh kan in ti hna lai lo. Khua pawl zong harnak kan pe hna lai lo,” tiah an au. Nihin zaanlei ah Kyaukhtu ah a phanmi SAC ralhrang pawl hi thazaang i tthen in thaizing lei ah Kanpetlet, Mindat le Matupi ah an kal lai, tiah an zumh. The Chin Journal

Ram le miphun kong cu tuanbia nih bia a chim. Cu tuanbia cu thisen le nunnak kha a si. Ram le miphun a dawmi nihcun, ram le miphun kha an thisen le an nunnak in an khamh. An dirhkamh. Nihin zing ka thawh in CNF Spokesperson Salai Htet Ni biachim ka hmuh cu, ka hnar no ruh a tam.

Sui/ gold a tak le a tuh cu, mei ah peih hnu lawng ah a lang bantuk in, ram dawtu dirhmun cu, ral nih an von kan nan cuahmah ahhin a lang ve. Kan ral cu a tawm ttawm in kanmah thah awk ah an phan thluahmah. Ram dawtu nihcun “kan zaam lai lo. Kan nunnak in kan khamh hna lai. Kan dirh-awnh hna lai” tiah an taisawn/ biartung keih in, an ngeihmi hriamnam cu an ilak.

Nihin ah a caan cuahmah Chin pasal hna dirhmun hi, Thaizing ahcun tuanbia ah an cang lai. Cu an tuanbia cu zungzal a hmun dingmi kha a si. CHIN pasal hna, nan nih cu Gideon bantuk nan si. Pathian nih in umpi hna sehlaw, Gideon le a Ralkap 300 nih Median Ralkap a tawmtawm an tei bantuk in, Pathian nih teinak an pek hrim hna lai.