Chinmi Kan Mah Lawngin Kan Si Kho Ti Lo E!

CHIN khua lupi hakha ah lungrual nak le lungfim nak achuah khawh nak ding caah cun SAC ralhrang nih Hakha khuachung ah chia ngai in le sual ngai in an cawl cangh ahau cucu SAC nih khin an hngalh an theih tuk caah daitein an um an cawl duh ve lem lo.

Mipi lungfim lai an phang akan chawh kanh tuk ti kha alang. Hakha cu zei tik hmanh ah kan mah cun do kan thleng kho bel lai lo mah peng hi asi ko lai. Kan van athat si le tlangcung mi dang pawl hna kachin,shan,etc…hna thawngin kan hmu vete kho kan mah lawng bak cun no way si ko zei hmanh kan tuah kho lo hih angamh zong kan ngamh tak tak lo mipi hrim kan lawdor tuk tha ape mi hi zakhat chungah 25 lawng kan si angah lo. Kan cawl cangh ning le kan si ning tlingdeuh in tial ka duh nain asau deuh lai caah atawi nak in. Crd-Antony.

KNDO ni ah KNU nih ca a kuat, Tuchun Chiapa 16 KNDO ni ah Karen National Union (KNU) nih ca a hei kuat.
Cu a ca kuat ahcun Karen miphun nih a hlanchan in kan ral a si mi uknak la tu ralhrang le miphun pi sunhsaknak hna cu a dih dongh tiang in kan doh lai.

Cun Karen ah siseh hmun dang zongah phunglut loin mi a uktu hna nih nehsawhnak, thahnawnnak, khua le ram mei khanghnak in luat i ngeihchiah innlo le nunnak caah hnangam nak hmuhnak ding caah lungrual tein Karen le miphun dang hna nih kan i tinh mi kan phak tiang ral do tti ding in forhfialnak ca a kuat.

Mexico ram ah a rak lar taktak mi le US nih a lunkhawng man sang taktak ah an chiah mi Drug siangpahrang pa cu cawn ni ngani ah an tlaih. Mexico ti ralkap nih rithaisi siangpahrang cu an va tlaih. Cucaah Black Hawk helicopter a tlaknak le hi pa tlaihnak hi pehtlaihnak a ngei hnga maw tiah thi sining an hlat cuahmah lio pi a si. Black Hawk a tlak ruangah ai cit mi minung 14 an thi i minung 1 ai hliam tiah theih a si.

Kum 1980 lio hrawng in rithaisi (drug) siangpahrang tiah amin a thangpi pa Rafael Caro Quintero cu ai thuhnak Mexico ram Sinaloa ah an va tlaih. Anih hi Drug he pehtlaiin thil a ti kho taktak mi a si i, Mexico cozah hna nih cun a min hmanh an chim ngam lo mi pa a rak si. Asinain US nih misual mitthalo, mithat hmang a si tiah thawng a thanh i a lukhawng man sang taktak ah a chiah.

Anih hin kum 1985 lio ah rithaisi khamtu phu US minung pawl hremtu le thattu ah puh a rak si. Cucaah US cozah nawlngeitu pakhat Juan Gonzalez nih cun an ram (US) ah kuat zau nak ding caan a liamter sawhsawh men lai lo, hi hi a ngan tuk mi a si tiah a langhter.

“American Law enforcement pawl a tlai tu, a hremtu le a thattu hna caah i thuhnak ding hmun a um lo” tiah US Attorney General Merrick Garland nih a chim. Tutan hi Mexico cozah nih an ttih tuk mi pa drug siangpahrang hi US nih baitak tein Mexico cozah pressure a pek hnu lawngah an va tlaih ngam hi a si.

Nawlngeihnak Laak Hnu Ni 530 Chung Ah Minung 2088 Nunnak A Liam Cang! AAPP nih July 15 , tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 530 chung ah sualnak ngei lo minung 2088 thah an si cang, tiah theih a si. Tlaihkhih a tongmi dihlak hi 14695 an si i, an thlah than mi hna 3045 an si. Tlaih ding in nawlchuah a tong mi 1979 an si. SAC ralkap nih mi nunnak a laak mi hna chung ah Yangon in nunnak a liam mi tambik an si.

Ayayawady Tiva Ah Ngatlai Pa SAC Ralkap Nih An Kahthah, Sagaing ramțhen Kata peng Ayayawady tiva ah nga a tlai mi pa cu security a la mi SAC ralkap nih July 15 zaan Sml 10:00 hrawng ah an kah thah tiah tualchung mi sin in theih a si.

” Zaan Sml 10:00 hrawng ah a si. Meithal thawng voi 20 tluk kan theih, a leng tu cu kan chuak ngam lo,” tiah tualchung mi pakhat nih a chim. Tualchung mi an chim ning ahcun pa pakhat SAC ralkap nih an hmuh i tiva kam lei rat ding in an auh lio ah a tilawng in a zaam i an kahthah hi a si tiah theih a si. An kahthah mi pa cu kum 30 tluk a si mi Ko Zin Zaw Htet(ကိုဇင်ဇော်ထက်) a si i Kata No. 3 sang ah-mah-kah 3 (အမက ၃) sianginn pawng ah a um mi a si. A nupi le a fapa te a kal tak hna tiah theih a si.

Palik Sakhan Chungah Nuva Kar Buainak Ah SAC Ralkap Pakhat Meithal Kah Nak In A Thi, Mandalay ramțhen, Taungthar peng, ZoneSiiGyi palik sakhan ah nuva kar buaibai nak ah SAC ralkap pakhat meithal i an kah i a thi tiah khuami pakhat a chim. July 15 chun Sml 3:30 hrawngah SAC ralkap Yan Naing Oo cu zu ri i a nupi he an i sik lio ah meithal a chuah i ralkap Aung Khine Win nih a thlauh lio ah a kah sual tiah theih a si .

A nupi zong a ban ah meithal a hliamh ve , ralkap Aung Khine Wine cu a țang ah hmunhnih a khen i a nunnak a liam.
” A thi mi pa zong a ri ve, meithal a chuah lio ah a thlauh i meithal cu Auto in a chiah i voihnih puak i a voihnih ning in Aung khine Wine a țang ah pem lak in a khen tiah a hmu tu pakhat nih a chim. Sakhan Hmu khual a tlawn lio a si caah cu kong cu thuh an timh nain a nunnak liam mi ralkap chungkhar lei nih taza an cuai caah Yan Naing Oo cu Taungtha khua palik sakhan thonginn ah an khumh tiah theih a si.

Matupi Khah – Lah- Yiah 140 In SAC Ralkap Major Than Naing Win Kan Fimtawl Tiah CDF Nawl Ngeitu Pakhat Nih A Chim, Chin ramkul, Matupi hmunkhuar Khah- Lah- Yiah 140 in SAC ralkap Major Than Naing Win Cu July 15 ah CDF Matupi nih kan fimtawl cang tiah CDF Matupi nawl ngei tu nih a chim.

Thah a tongmi SAC ralkap Major Tan Naing Win cu rallam hlathlai tu pakhat a si i SAC ralkap chung in CDM tuah a duhmi, mizapi vengtu ralkap cawlcanghnak hna cu a hlathlai tu a si. SAC ralkap Major Than Naing Win thawng pek nak ruangah CDM tuah a tim mi ralkap 7 thah an tong i 4 thongthlak an tong. June 25 ah SAC ralkap Major Tan Naing Win nih nu pakhat zong a rak thah tiah theih a si. ” A mah cu khualeng ah thlithup in kan lem i kan chuah pi hnu ah kan thah” tiah CDF Matupi nawl ngeitu nih Yangon khit thit ah a chim.

Matupi SAC Camp Chungah A Um Mi Pa Pakhat Kahthah A Tong, Chin ramkulh, Matupi khuapi SAC ralkap camp chungah um mi pa pakhat cu July 15 ah meithal kahnak in a nunnak a liam. Pha Naing khua le HtiSaung khua karlak lam hmun pakhat ah kahthah a tong i a ruak cu Matupi Siizung pi ah an kalpi tiah khuami hna nih an chim.

” A thimi Pa hi a hlan ah Matupi le Rezua lamphah nak ah rian a rak tuan mi a si. Covid a chuak i Matupi um lam riantuan hna cu an khua ah an tlung dih .A nih hi tlun lo in Ralkap camp chungah a um. SAC ralkap nih an fialmi rian paoh a tuah. A tu zongah khuami hna cu hartuk in an um an tlunkal lio ah cycle in Zu (BE) a phurh i a duh poh in a tlungkal. Cun Matupi lampi cungah SAC ralkap chuahmi ca a benh ” tiah khuami pakhat nih a chim.

A ruak cu Matupi Biaknak upa hna nih mawtaw in an lak i siizung ah hlai ding a si tiah theih a si. A mah cu kum 30 hrawng a si. Matupi SAC ralkap camp chung ah khuadang in rian a rak tuan mi cheukhat le thilzuar mi cheukhat an um tiah khuami hna sin in theih a si.

Gangaw Peng Kahdohnak Ah YDF Ralkap 2 An Nunnak A Liam, Magwe ramțhen, Gangaw peng nitlaklei ah SAC ralkap le mizapi vengtu ralkap karlak kahdohnak a chuak i mizapi vengtu ralkap pahnih an nunnak a liam tiah YDF nih cathanh an chuah. July 14 zinglei ah SAC ralkap nih Gangaw nitlaklei ah thazaang 60 , mawtaw 2 in ral lam an sial i Tilak le TaungPin khua lampial karlak ah YDF he an i kap.

Cu kahdohnak cu YDF Battalion 5, tat- khuai – 1 in mipi ralkap pakhat bomb a luahnak ah a chuahsual i an nunnak a liam. Battalion 5 tat khuai 5 in ralkap pakhat hriamnam a lak lio ah SAC ralkap hna nih an tlaih i an thah tiah YDF nih cathanh chung ah an langhter.

YDF in a nunnak aliam mi kan ralkap pahnih i tantak mi chungkhar nan ngeihchiatnak kan i hrawm hna, Kan ralkap hna nih ram le miphun caah nan nunnak nan pekchanh mi cungah upatnak sangbik kan in pek hna.Nan hnu ah nan hawi le YDF nih pehzulh in dothlennak cu kan tei hlan lo an rak țuan lai tiah biakamnak kan tuah tuah an langhter.

Zinglei ah Agyi Warbin khua chungah rallam sial ding in timhtuahnak a ngeimi SAC ralkap cu YDF ( Shwe Som Nyo ) ralkap hna nih sniper in an kah i SAC ralkap pakhat a thi.

Be the first to comment

Leave a Reply

Your email address will not be published.


*