Ramkhel Party In A Chuak I, Miphun Kongkau(Dohtlennak) Rian A Tuan Mi U Phe Thein Bialnak Nak An Tuah Mi, Rak Rel Ve Chim Mi Cu An Kan Hloh Ban Kong, Chinmi Kan Thinlung Put Cu A Khen Bak Ko, An Kan Hloh Bak Lo, An Mah Rakhien Ram An Thinlung Ruah Ah Ukpat Loawk An Tha Lo!!!
Rakhine Party a si mi ANP party a chuah mi U Phe Thein cu zeiruangah dah party in na chuah tiah bianalbak an tuah mi ah a chim mi cu ” Kei mah sinah ka tuah hnga ding ka tuan hnga ding rian a tam tuk. Party nak in a biapi deuh mi cu Miphun riantunnak (Dohthlennak) caah ka tuah hnga ding rian a tam tuk. A tu ah cun ramkhel party cu a thi cang.
Ramkhel party nak in a biapi deuh mi Miphun kongkau (Dohthlennak) caah raintuan ka duh caah si,” tiah a leh hna. Chim duh mi cu peng le tlang , party tuktek kong ah buai cang a si ti lo. Cun.. Ramkhel party a thi cang timi cu zei khi dah na chim duhnak a si.” Party ramkhel cu 2008 phunghrampi kuttang in a kal mi a si.
Hlan deuh zong nih party ramkhel nih chimrelmi, biahalnak pawl cu a cung lei ah kut a si i, an cohlang lo an kan hnawn piak. Halmi, chimrelmi pawl zong zei hmanh a tlam tling lo. Party ramkhel cu hluttaw ah nawl a ngei lo. ramkhel a tuah mi zong a um lo. Mipi hna zong nih a tu ah ramkhel party kongkau an ruat ti lo.
Rampi thimnak a dih in SAC ralhrang hna nih hram hram in uknak hnu ah Party ramkhel ramkhel nih dun mi a fonhtom nain mipi zong nih zeihmanhah an rel lo. Party ramkhel nih rian a tuan kho ti lo caah, a tu ah cun Party ramkhel cu a thi cang ka ti nak kha a si.
” Party ramkhel ah hlan deuh cun RNDP , Rakhin miphun party hi mipi nih an cohlang, A tu ah cun ramkhel party nak in ULA/AA nih dohthlennak a tuah mi nih mipi thazaang tampi a peek hna. Ramkhel party cu rikhiah a um mi a si. Mino hna nih mah ram zalonnak , luatnak, Rakhine ram nih mah tein iuk khua khan leai rel khawh nak cungah mino pawl thinlung a laak.
2008 phunghrampi kuttang ah rian a tuan mi pawl cu bochan awk an tlak lo. Cu ruangah miphun caah a fak tuk. Party ramkhel nih chimphaun mi zeipoah tlam a tling kho lo. Zei paoh tthazaang a der tik ah Ramkhel party nak in ULA/AA a um hnu ah hriamtlaih dohthlennak tuah hi i thim cu a si. Ramkhel party nih a tuah zeihmanh a chuahpi mi a um lo.
Mipi hna nih dohthlennak lam in kan kal lai timi hi an thinlung chungah a um dih. Party ramkhel cu chikhat ca lawng a si, a caan a vunroh deuh cun mipi thinlung zeihmanh a tlai kho ti lo. Party ramkhel Hluttaw palai pawl nih mipi zeihmanh ah an rel lo, a mah hmuh hnga ding mee (vote) a paw ca lawng a hmuh khawh. Mipi pawl nih an i thim hnga ding cu UlA/AA lawng hi a si. Hriamnam in kan doh lai timi lawng a si cang.
“khuakaa hmun paoh ah Myanmar ram chungah party ramkhel kong an ruat ti lo. SAC ralhrang nih hramhram in uknak a laak mi ‘ a Cawng Piah Chiat” in 2008 phunghram pi hnawn a si rih lomi, mah 2008 phunghrampi cu kum 10 hmaithlak mi a si nain zeihmanh a riantuan khawh mi a tlawm. Ruahchanmi zeihmanh an kan peek khawh lo ding dir hmun a si.
Hluttaw sinah tinpiah mi, chimrel mi theihin mipi hna nih Rakhine party cu an cohlang. Cu hnu ah miphun thinlung lihninh bantuk in a hninh kho tu cu ULA/AA lawng hi a si. Mah lam hi dothlennak lam, kahdohnak lam a si caah a har mi a si. Mah lam lawng hi mipi hna nih an duh. A thawng mi ULA/AA a chuah hnu ah ULA/AA cu ibochan a si i, party ramkhel nih zeihmanh a tuah kho ti khawh a si.
Chin duh mi cu Miphun pakhat nih aa thim hnga ding cu a mah Miphun kilveng tu ralkap hi a si, :Party le peng le tlang cu e, kha e.. tiin i buai caan a si ti lo. Hrianman lawnh hi Miphun nih a duh mi a herh mi, mah le miphun zalon, luatnak, mah tein iuk khuakhan lairel khawh nak caah hraimnam in kan dohhlen lai ti hi a si. An nih an thinlung aa rual ning le Chinmi peng le tlang le party kong an kan buai rih ning zoh ah an kan khen bak ko hih, Hi hi i ruah phu awk ngai ngai a si, thin i hunh pi awk ngai ngai a si, Khirihfa mi kan si kan ti, Phungki a bia mi thinlung hmanh pei kan tluk lo hi, mipi nih ULA/AA thazaang an peek ning hi zoh tuah uh. Kan nih Ramkhel party a tuah mi hna nih cun CNA/F kong kan thuh, mi sin ah kan chimphuang. ngam lo. Zeiruangah hme CNA/F a thawn lai. Mipi pei kan thinlung put a that lo cu. Falam le Hakha le tiin peng tlang in kan kal cu. Zeiruangah dah Paletwa cu an ka n cuh hnga lo an thinlung pei a thawn tuk cu, an lung pei aa rual tuk cu.
Mi tlawnte a si mi, Chinmi hna nih Rakhine ram tuk in CNA thawngseh ti kan duh cun CNA thazaang peng ko hna usih. Rakhine ram cu a rum tuk ti hlah, an nih cu ramthumnak phan cu chim lo, Thailand, Malaysia tibantuk a phan mi, an ram chung um mi hmanh nih ULA/AA caah tangkaa an thawh cu, a thawn lo awk a tha maw? Cun fon ah an nih cu PDF pawl thazaang an pee lo, Miphun ralkap a si mi ULA/AA lawng thazaang an peek cu, Cu ruangah kan lungfim cang usih, CNA/F hi thazaang pee ko hna usih.
Leave a Reply