Chinmi An Thah Hna

Falam Peng ah SAC ralkap nih thah mi khuami ruak 2 hmuh, October 11 lio ah SAC ralkap nih Falam Peng, Tuphei khuami 2 an thah hna i nihin October 13 ah an ruak an hmuh hna, tiah kan theih. An thah mi hna cu fa 2 a ngei mi Pu Thawng Lun Mang (kum 29) le Salai Thawng Nei Mawi (kum 34) an si, tiah Zalen nih a tial.Enter

Chin ramkulh, Falam peng chungah Min Aung Hlaing ralhraang pawl cu thazaang tam tak tak le hriamnaam he an rak luh thluah mah ruangah le Falam in khua dang lei ah lanh ding in timhlamhnak an neihmi kan hmuh ruangah Falam-Rih, Falam-Hakha motor lam kam ah a ummi hna nih thihlohnak kong dah ti lo khual tlawng rih bak lo ding in Chin National Organization (CNO) nih thanhca an chuah.

A tu bantuk in khual tlawng lo ding in mipi sin ah theihternak kan in tuah hnanak a ruang cu Min Aung Hlaing ralhraang pawl nih hin an kal pah in lampi ah an hmuhmi hna paoh an tlaih hna, khualtlawng minung lawng si loin motor zong an tlaih hna hnu ah phawchonnak ah an hman hna caah si tiah CNO nih cun an langhter. Chin National Organization hi Min Aung Hlaing ralhraang pawl do ding in

a luan ciami April ni 13, kum 2021 ah khan rak dirhmi si i CNO ralhraang pawl do tu ding ah CNO nih CNDF timi ralkap zong a dirh bantuk in Chin ramkulh chungah ralhraang zong faak ngai in an doh cang hna. Min Aung Hlaing ralhraang pawl nih hin Chin ramkulh chungah capital city simi Hakha cu an nganhtaak riangmaang i khuapi dang pa 8 hna cu a luan ciami September ni 23 thok khan Internet Line vialte an phih dih hna,

Internet line an phih hnu ah ralhraang thazaang le hriamnaam tlang tlang he an fuh thluahmah hna, Nizan October ni 12 ah khan Min Aung Hlaing ralhraang pawl nih raltuknak ah hmanmi ttheng pa 2 le ralhraang pawl cuannak motor 48 hna cu Falam peng chungah an rak lut cang, cun Magwe ramtthen lei in a rak chuakmi ralhraang pawl cuannak motor 80 leng zong Chin ramkulh, Mindat lei panh in an kal cuahmah.

Be the first to comment

Leave a Reply

Your email address will not be published.


*