Chinland Defense Force – Zophei Headquarters Phone: 09-256732168, 09-256697208 CDF-Zophei Cathanh Cathanh No.(1/2022) Date: 2022 April 16. 1. Chinland Defense Force-Zophei (CDF-Zophei) nih avoi(1)nak Conference eu 2022 April 11 – 14 chung tuahmi cụ Chin National Front theihpinuk in Zophei khuatlang khua(21) chung in Khuakip mino Hruaitu, Khuakip Khua Nu Pa aiawh, Village Council President (VCP), Ramleng um CDF – Zophei Supporting Committee Of Global le Special Guest sawmmi hna telh in Minung (1500) tluk tel in Zophei ram chung khua pakhat ah hlunghlai ngại in kan tush.
2. CDF – Zophei Conference pi ah CDF – Zophei Phunghram (CDF-Zophei Constitution). Zophei khuatling Uknak Phunglum ( Zophei Act), Education kong, Medical kong sisch CDF – Zophei nih ngeihmi Phung le Lam um mi vialte zohttithannak, remh/chapnak le fehternak kan ngei. Cu lawng si lo in CDF-Zophei hruaitu thar thimnak zong kan tuah. 3. CDF-Zophei Hruainak in Ukhruainak lei kalpi mi ah 2022 Febuary 1 in Zophei Ramchung Khuakip in Sianginn tha tein hon diha si cang. Cu chung ah CDM a tuahmi Saya/mah (277) cachimhnak in siangngakchia minung (3462) an kai cuahmah.
Khuakip ah Ngandamnak kan tuah cuahmah lengah COVID-19 sii minung (3000) leng kan chunh cang hina. 4. CDF-Zophei cu ramdang phan Zophei tefa nih dirhmi CDF-Zophei Supporting Committee of Global nih tangka a kan bawmh, rian akan tuanpinak cung ah lunglawmhnak tampi kan ngei i hi dohthlennak a dih hlan tiang tangka thazang in sisch, thinlung ruahnak dihlak he na kan dirhkamh zungzal rih naklai kan in forhfial hna.
S. CDF-Zophei cu hramhram uknak a dih dongh tiang doh ding, tlukruannak a ummi Federal Democracy dirhnak ding le mahte khuakhan lairelnak a ngeimi Chin ram sernak ah thazang pakhat si ve ding in dirhmi a si bantuk in Ralhrang Min Aung Hlaing hruaimi ralhrang phu he aa pehtlaimi Dalan pawl, CDF-Zophei leng in Chin National Front (CNF), Chinland Joint Defense Committee (CJDC) nih zulh ding in cathanh a chuahmi a zullomi pawl cu fak ngai in dantatnak pek nan si lai tiah cathanh kan chuah. Chinland Defense Force-Zophei Pehtlaihnak-09 256732168
Myaung Peng Ah Ritsii A Zuartu Minung 2 PDF Nih An Tlaih Hna, Sagaing ramthen, Myaung peng khua pakhat ah rithaisii a zuartu minung 2 cu PDF nih ni zaan April 15 an tlaih hna tiah Civilian Defense Security Organization Myaung( CDSOM) rian ngei tu Sin Yaing(ဆင်ရိုင်း)nih a chim.
Sii tlang pum 180 le phaisa 407000 MMK leng an tlaih, pakhat cu a caw i a hmangtu a si i pakhat cu a zuar i a hmangtu a si tiah a chim. ” Kan tlaih mi hna pahnih hi tu lio ah phunglam zong a um lo caah kan hren sawhsawh rih ko hna. Ei din tii rawl zong tha tein kan zohkhenh hna i chimhhrin nak ah khor kan cawh ter hna,” tiah CDSOM riang ngei tu nih a chim.
Rithaisii a zuartu hna hi CDSOM, (Maung) MUA, PDF Taloke le Sagaing pengkomh batallion 1, (2) tat-khoi (3) hna i bawm in an tlaih mi an si tiah theih a si.
Ukraine cu Moscow i kahdohnak cu miphun cihmih bantuk a si tiah American president Biden nih a chim lio caan ah Russia lei zong nih kahdohnak cu punghman ning in pehzulhin kan i timh mi kan phak hlan tiang kan tuk ko lai tiah Russia president Putin nih a chim.
” Aw a si ko. Miphun cihmih a si tiah ka chim. Zeiruang ah dah a si ti ah cun Ukraine fa ka si ko ti mi cu Putin nih hnawn hna dingin aa timh, aa zaum timi cu hi nak in theih thluahmah a si cang i tette pawl zong tampi a um ko ” tiah U.S President Biden nih a chim.
” Miphun cihmih aa timh, miphun cihmih a si le si lo cu vawleicung huap biaceihtu sihni hna pawl cu biachah nak ka tuah ter hna lai. A si nian kei mah lei in cun miphun cihmih a si k” tiah Biden nih a chim chap.
Russia nih khua nu, khua pa pawl thah nawn dingin a timh hna timi cu an mah Russia lei nih a tu le tu in mah bia cu an cohlang duh lo, an hnawn i ral chung ah Russia nih mipi pawl thahhren in a tuah hna timi Ukraine le Nitlak lei ram hna nih an chim mi cu Russia lei nih an duh ning an herh ning paoh paoh in an chim phuan i leh nak an tuah tiah theih a si.
A sinain Russia ralkap pawl hnu lei ah an kir hnu ah Ukraine ram i thlang lei khuapi hna ah mithi ruak cu lam cungah tampi hmuh a si tiah theih a si. Russia ralkap pawl an chuah nak Kive khuapi pawng hrawngah mithi ruak cu 720 an hmuh tiah theih a si.
Leave a Reply