China Rokect Long March 5b cu India Rilipi ah a tla

Mi tampi nih khua zei ah a tlak lai tiah an zoh mi China Rokect Long March 5b cu India Rilipi ah a tla

China nih a kahmi Rocket a si mi Long March 5B cu tuzing suimilam 10:24 Beijing time (0224 GMT) ah India Rilipi ah a tla.

A biapi mi a thilri (part) cheukhat zong vulei lei a rak naih le cangka in hrawh dih a si tiah Chinese Media nih a chim.

Long March 5b hi April 29 ah khan Space Station ah thilri chanh dingin kah a si hnuah control khawh lo in a um caah khua zei ahdah a tlak te hnga tiah an ngiat ngai mi a si.

Mithiam pawl nih Vulei 100 ah 70 cu Rilipi a si caah Rilipi ah a tla theu lai tiah an rak ruah bantukin Indian Rilipi ah a tlak caah mi tampi thinphannak a dai.

Nikum ah khan Long March Rocket pakhat cu a rawk i Ivory Cost ram ah a rak tla bal cang. Inn le Lo hna cu a hrawh mi a um nain Minung a thi mi tu cu an um lo. Cred : The Chin Post

Be the first to comment

Leave a Reply

Your email address will not be published.


*