China Nih Pacifin Rilli Ah Ralkap Colcangh Nak Traing A Tuah
Liaoning hruaimi China vanlawng phortu, tilawng phu hna cu nitlak lei Pacific rilli cungah kahdohnak luhdingah training an tuahnak kong cu China tanglei ralkap hna nih May thla nili ah thanhnak an tuah. Hi hi China Mipi Luatnak tatmadaw Ti lei ralkap nih kum fatin a tuah hnga ding suaisam mi caan cu hramhunh in zungzal in colcanghnak ngeih mi a si tiah an chim.
Mah training colcangh nak hi ti lei ralkap nih a tuah khawh mi, thanchoter dingah timhlamhnak ngeih mi a si i, vawleiccung ram hna nih hnatlak pinak in i colcanghnak ngeih a si i, Zeibantuk ram hmanh timhlamhnak ngeih in colcanghnak ngeih mi a si lo tiin ti lei ralkap phu hna nih an chin. A sinain cheukhat hna nih Taiwan laak aa timh cang i a si hnga maw tiah zumhlonak an langhter.
Lianoning hruaimi le a dang China ti lei ralkap phu hnih hna cu Pacific rilli ah kalding caah Japan ram nitlak lei Okinawa state ah a um mi, Tikulh pahnih karah rili cu phiah in tilawng an mawnghnak kong, Japan vuanci zung nih may thla nihnih ah thanhnak a tuah hnuah China tilei ralkap hna nih colcanghnak an ngei tiah theih a si.
Joe Biden, American cozah cu China ram i, ral lei thazaang peknak pawl he a khat mi Taiwan caah American dollar 95 Million man humhimnak hriamnam pawl kuat dingah April ah biachahnak a rak ngeih cang i, Taiwan ram i hmunhimnak thazaang thawnter ding ah thazaang tampi a peek lai tiah zumh a si. Hi China colcanghnak ah hin Taiwan mipi pawl caah an thin a phang i, China nih Taiwan hi a tuk nak dinglam a nai pah cang i a si lai tiah miphun thinphan ngai a umter hna tiah theih a si.
Relchap, Hriamthil A Phurtu Palek Le SAC Ralkap MRA Nih Bomb An Puah Hnawh Hna Caah 2 An Thi, Myaung peng ah hriamthil a phurtu palek le SAC ralkap hna cu Myaung Revolution Army(MRA) nih bomb (mine) an puahhnawh hna i 2 an thi tiah theih a si. May 3 ah rallam a sial mi SAC ralkap hna cu Kyaukphokone(ကျောက်ဖူးကုန်း) kua le Ahngunh(အညွှန့်) khua kar ah bomb kan puah hnawh hna tiah Myaung Revolution Army tuanvo ngeitu nih a chim.
” MRA nih sakhan an kan doh lio zong ah an kaltak mi thil pawl kan chek tik ah 2021 ah traning a dih mi palek pawl an si, ralkap zong an i tal nain palek an tam deuh, mi bawmtu tiah an ti hna. Hriamthil he rallam an sial lio ah bomb kan puah hnawh hna i 2 an thi, 4 fak ngai in hliamhma an tuar i an i neihniam nak siizung ah an kalpi hna tiah an pawng ummi hna sin in kan theih, ” tiah MRA tuanvo ngeitu nih a chim.
SAC ralkap hna nih MRA sakhan an lak hnu a thaizing rallam an sial than i zing Sml 10 tluk ah dohthlennak tuah tu phufonh hna he an i kap. Zaanlei ah Kyaukphokone(ကျောက်ဖူးကုန်း) khua ralkap sin ah hriamthil an va chanh hna lio ah bomb puah chap than an si i an hriamthil zong an kal tak tiah theih a si.
Leave a Reply