Chin World Media Ngeitu Salai Mang An Tlaih

Chin World Media Ngeitu Salai Mang ralkap nih an tlaih, kan theih cio bantuk in Salai Mang Chin World Media nih chinram Hakha Thantlang hmundang dang ah ralkap le mipi kahdohnak kong thawng a kan thanh peng tu asi. Sep 22 suimilam 11 ah ralkap nih an tlaih tiah NLD Chungtal Pakhat Nih achimh.

Salai Mang hi Falam Miphun asi tiah kan theih, Chin Word Media page an hrwh ter tiah theih asi , Chin Word Media hi like tu tingruk fai a nei cang mi asi A Bik in Laitlangah a cangmi ralkap an sining te thawng a thanh peng caah an tlaihnak hi asi. Ralkap nih uknak an lak hnu in Media ngeitu mi pathum an tlaih cang hna tiah theih asi

Ralhrang nih Ruahdamh in an kah caah Mindat um Khrihfa Biakinn Kuan nih a khen i a rawk Chin ramkulh, Mindat khuapi ah September 21 zaan ah ralhrang nih an kah caah kuan nih a khen i Khrihfa biakinn veng chung um Hall pakhat i thlalang aung hna ,vanpang hna an rawk tiah khuami hna nih an chim.

Nizan zan Suimilam 8:00 hrawng ah Mindat khuachung ah hriamngan he hriamhme he kah thawng kan theih tiah khuami hna sin in theih si i kaphnih a hliam mi kong cu mipi ralkap lei zong in thawngthanh nak a um rih lo. Chin ramkulh, Mindat khua le Kanpalet khua ah nizaan September 22, zaan suimilam 8:00 hrawngah kaphnih kar kahdohnak a chuah caah khuahnih ning in minung umnak inn cheukhat hna cu an rawk tiah theih a si.

Mindat khuachung high school no.1 sianginn,GAD le palik riahbuk pawngah kahhnih kar kahdohnak a chuak,hriamngan hman mi le kuan ruangah minung umnak inn hna cu an rawk.“Zaan ah hriamngan puah thawng le meithal puah thawng cu tamtuk kan theih, palek riahbuk pawng ah a tambik theih a si,

zinglei ahcun inn tamdeuh cu an rawk. Zaan ahcun hmunkhat lawng si lo in hmunkip nawn in puahkeh thawng cu theih an si” tiah Mindat khuachung mi pakhat nih a chim. Cun Kanpalet khuachung sangkip zongah zaan suimilam 8:20 hrawng in palek riahbuk le high school no.1 sianginn lei ah hriamngan puah thawng, meithal thawng theih an si,

Khuachung no.1sang sizung kalnak lam lei inn ruk cu meithal kuan ruang ah an rawk tiah theih a si. A luancia September 21 Mindat khuachung kahdohnak ruangah ralhrang phu lei in minung 2 an thi, minung tamnawn nih hliam an tuar, cu kahdohnak cu Hakha le Thantlang ah a cangmi ruang ah CDF-Mindat phu nih lehrulh mi a si.

Be the first to comment

Leave a Reply

Your email address will not be published.


*