Chin State huap zoh tik ah 60% cu mipi kut ah a um cang i, Kawlram chungah a zalen hmasabik State asi lai

Thantlang peng i Ralhrang Camp le Palek Camp an rawk dih cang (Hmawngtlang, Hnaring, Lungler le Vuangtu). Thantlang khuachung te lawng ah hmun an khur cang. Cozah riantuan zong an tlizam dih cang i, CDM le CDMlo a um tilo; Cozah riantuannak a rawk dih cikcek. Mipi nih 90% kan tlaih cang.

Chin State huap zoh tik ah 60% cu mipi kut ah a um cang i, Kawlram chungah a zalen hmasabik State asi lai an kan ti. Cu Chin State chungahcun Thantlang Peng hi a zalen hmasabik khan asi fawn. Cu caah hitibantuk teinak a phunphun kan vun hmuh caan ahhin sehtan riantuannak hi a faak hlei khun ve.

Kan naule zuri pakhat/hnih hna i dawhcahlo thil an tuahmi ruagah maw Bu (CDF) min hna faktuk in soisel sual lai uhci. An duhfahtuk lung le rian tuan an thiamlo ruang zongah a va si kho. 99% a dingfelmi le Miphun le Ram dawtnak taktak he nunnak pek in rian a tuan cuahmahmi a let in tampi an um.

“Kan karlak ah iremlonak le buaibainak a chuah ding hi Sehtan le Ralhrang hna i an ilawmhnak bik le an kut thang takin an benghnak asi”. Nunnak a liammi le, hliamhma a tuarmi hna kan theih tik ah ngeih a chia, lung a fak, tuk a sum, nan mawh hrimhrimlo. Thilsual a tuahmi ralkap cu; ralkap an si bang an tuahmi he rupte in dantat an si ko lai.

“Dun le Daan” ngeih ciami asi ko. Khi hna nih zapi an aiawhlo ti kha hngalh ve a hau. Atubantuk caan ahhin lungfahnak a hleihluat in langterlo le bia dawhcah lo hna tiallo dingin a ho cio poh kan isum cio hna lai. Teinak nih a kan naih thluamah cang!

Myanmar leiin Mizoram a lutmi tam deuh cu Covid-19 positive an si caah Champhai District (East Tuipui ramkulh) chungah Mizoram chung a dor duhmi luh sian a si rih lo.Champhai District hi Mizoram le Myanmar ram pehtlaihnak lam a tam caah hika leiin Mizoram a panhmi hi an tam.

East Tuipui ramkulh chung ahhin atu dirhmun ah Covid-19 zawtnak a ngei liomi 592 an um,tiah Tuipuiral Group YMA president PC. Lalramenga nih cun a chim. Mizoram ah aa dormi hna lakin Covid-19 zawtnak a ngeimi fiang tein record a um lo nain,Farkawn khua ah 35, Bungzung khua ah 6, Vaphai ah 5,an dihlak in 46 nak tlawm lo an si lai, tiah zumh a si.

Mizoram ah aa dor dingmi hi zarhkhat hrawng cu a lutmi an um ti lo. Hi lio ahhin Farkawn,Zawlsei,Vaphai, Khuangthing, Dungtlang, Thekte, Thekpui, Leithum, Sasih, Sazep, Khuangleng le Vanzau ahcun aa dormi hna umnak ding ah relief camp an sak dih cang.

A dihlak hin minung thonghnih(2000) a tlum lai, tiah ruah a si. Hi relief camp hi quarantine center, zawtnak check-nak hmun le a herhning in hman a si lai i, chungkhat cingla ngei lomi nih caan sau deuh an um khawhnak tiangin tuaktan a si. Tluanga Zaathang