Chin, Sagaing le Magwe ah SAC Ralhrang Thazang Chap kong ah UN Lungrethei – Chin ramkulh, Sagiang ramtthen le Magwe ramtthen ah SAC nih ralkap thazaang tam piin an chap thluahmahmi kong ah UN nih lungretheinak ca nihin zinglei ah a chuah. “Aluancia zarh in nihin tiang Chin ramkulh, Hakha le Kanpetlet; Magwe ramtthen, Gangaw peng le Sagaing ramtthen, Kani le Mongywa ah Myanmar ralkap nih thazaang pehzul in a chap pin ah Internet zong a thah dih,” tiah UN Human Rights chimnak nawlngei Ravina Shamdasani nih a chim.
“Aluancia thla chung ah thahnawnnak le inn khanghnak pawl a tuahtu Myanmar ralkap nih atu bantuk in raldohnak ca ah fak piin timhtuahnak a ngei tthanmi kan theih tik ah kan lungre a thei tuk. Khuami innlo le thilri pawl zong hramhram in ralhriam ngan in an kah hna. Cucaah, Myanmar ralkap nih mipi cung ah nuhrin covo buarnak a tuah ti lo nakhnga vawleicung ram kip nih hmun khat te awaan khat in kan aupi a herh,” tiah nihin zinglei UN cachauhmi ah an langhter.
Nizaan ah SAC ralhrang nih Kalay ah ralkap motor 40 le raldohnak tank 2 thazaang an chap i, nihin chun sml. 12:30 hrawng ah Chin ramkulh, Taingen khua ah motor 15 hrawng le tank 2 an phan. Taingen ah a phanmi SAC ralhrang pawl hi Tedim lei ah an kal i, Hingzing timi khua zong ah an phan cang. Khuachung thilri pawl zong an fir len hna, tiah khuami nih an chim. The Chin Journal
Tedim Lampi Khuate ah SAC Ralhrang nih Inn an Bauh, Thilri an Fir –Nihin zinglei sml. 12:30 hrawng ah Kalay in Taingen ah a phanmi SAC ralhrang pawl cu Tedim lei kalnak lam ah a ummi Heinzing khuate ah an phan i, khuami inn an bauh i thilri an firpiak len hna, tiah thawng kan theih. Khuami inn cheukhat chung i facang, computer le umkheng pawl an fir hna i vok pakhat an thah tiah khuami nih an chim. Nihin zinglei ah khan Kalay in SAC ralhrang motor 14 le tank 2 Chinram ah an rak kai. Cun, chun 12:00 hrawng zong ah Kalay in SAC ralhrang motor 3 Chinram ah an rak kai chap. The Chin Journal October 9, Yangon
“ Farasi mi hna nih khan, minu pakhat va cungin pa aa duh lio i an tlaihmi kha an run luhpi i zapi hmaiah cun an dirter. Jesuh cu an thawh i, “Saya, hi nu hi pa aa duh lio hrimhrim ah an tlaih. Kan Phung ah Moses nih nawl a kan pekmi cu, cu bantuk minu cu lung in thi lakin cheh hrimhrim awk a si lai, ti a si. Nang, zeitindah na ruah?” an ti. Hi ti in bia an hal cu amah kha hneksak i bia ngeihter khawh an duh caah a si. Sihmanhsehlaw Jesuh cu a kun i vawlei ah khan a kutdong in ca a ṭial. An hal chih lengmang caah ding tein a hung ṭhu i,
“Nan lak i sualnak a tuah bal lomi nih chep hmasa bik seh,” tiah a hun ti. Cun, a kun ṭhan i vawlei ah ca cu a ṭial ṭhan. Biahalnak: Bia an hal lio ahhin zeiruang ahdah a kutdong in Vawlei ahhin ca a tial? Joyce Meyer nihcun, “khuaruah caan laknak caah a tialmi a si lai ka zumh” a ti. Jesuh hmanh hi, a chim ding, a ruah/think ta dakaw, timi langhter duhnak caah a hman. Tulio kan caan hi, a sensitive tukmi caan/ period ah kan um hna i, Facebook ah biachim/ catial/ comment tbk hna hi, voi 2, voi 3 kan ruah/ think ta hnu ah chim/tial izuam cio hna usihlaw tthat bik dawh kan si. Zasang Cinzah
Leave a Reply