Chin National Army lak ahhin, US Ralkap sin in ral tuk a cawngmi an um len tiah ka theih.

Bruce Willis, Died Hard minta pa nih aa zaihmi, Retired Extreme Dangerous/ RED kha nan zoh cio lai ka zumh i, nan zoh ahcun, CIA in retired a la cangmi kha, zeitluk indah an thiam i, ttih an nung ti kha nan hmuh khawh lai. Chim duhmi, Chin National Army lak ahhin, US Ralkap sin in ral tuk a cawngmi an um len tiah ka theih.

Cucu, US ram ah an ca cawngmi siloin, US Ralkap in retired/ pensen a la cangmi nih raltuk a va chimh hna, ti kha a si. Phun dang in chim ahcun, raltuk ah expert a si cangmi sin in, fimnak le thiamnak an lak ve tinak a si. Cucaah, tutan MAH ralhrang dohnak ahhin an thiamnak dihlak an chuah ve cang lai.

Retired Extreme Dangerous pawl sin in an lakmi thiamnak cu an hman ve cang lai tinak a si. CHIN pasal hna caah thla cam peng rih ko hna usih. Teinak cu kanmah kut ah a um ko. Kan ti le kan ram, Kan pupa hna ram cu kanmah nih kan theih bik ko caah, rawn a ummi ralhrang lubo pawl cu, sahngar ar fir in pakhat hnu pakhat an fir hna lai i, an dih te ko lai.

Nihin news pahnih! – ASEAN aiawh in Myanmar remdaihnak caah an thimmi, Brunei second ramleng vuanci cu, Myanmar ram ah kal lo dingin a tthulh/cancel cang. Ton a duhmi minung pawl, abik in Daw Aung San Suu Kyi hi, Min Aung Hlaing nih a tonter duh lo caah, Myanmar ram kal aa let hi a si.

– ASEAN bu ahhin phung an ngeihmi cu, ram pakhat ah an chung buainak ahhin itlak lo hi a si. Asinain, tutan Myanmar buainak kong ahcun, action lak hi a herh ko lai tiah ruahnak a ngeimi ASEAN chungtel an um len cang. Zeicatiah, Myanmar ram buainak nih a pawngkam ram, hnahnawhmak a pek khawh caah,

Anmah chung buainak lawng a si ti lo. Cucaah, action lak hi a thiang ko lai tiah ruahnak a chimmi an um pah tiah Yahoo news nih a tial. – Myanmar Ralkap in a zaammi pawl nih “People Solders” timi an dirh i, PDF pawl bawmh in MAH ralhrang doh an ithawh ve tiah thawng a chuak.

Statement an chuahmi ah MIn Aung Hlaing nih Ralkap phung a buar i, Myanmar ram a leiroi/ betray tiah an au hnawh i, Min Aung Hlaing tangah Ralkap a tuan rihmi vialte hna cu, Min Aung Hlaing order kha zulh a hau ti lo. Zeicatiah, Min Aung Hlaing nih Ralkap a aiawh ti lo tiah an chap. Ralkap le palek in a zammi hi 2500 hrawng cu an si cang lai tiah The Irrawaddy nih a tial. Zasang Cinzah