Kawlram um mino hna le Chin Mino hna caah nu le pa zaktang le Karkalak ah aa itenh rih pengmi hna caah ralthawhnak a zual chin chin ah cun an him deuh hlei lai lo .SAC Ralhrang nih Mino poah poah cu CDF or PDF bantuk in a ruah hna i a hrem mi le a thah mi hna hmuh khawh a si. Cu caah kan Chin Mino hna caah cun CNA le CDF sinah raltuk training kai law law hi a him deuh lelam.
Tehte caah lakkhawh a si mi cu Gangaw um mino hna SAC Ralhrang nih a thah dih mi hna nak in hmuh chung khawh a si. Nu le pa a si mi zawng nih kan fa le kan zaktang te ah le Kan Karkalak tangah ichia pengnak in cun raltuk cawnternak thazang kan pek deuh hna ah cun an him deuh lelam lai. Note: Ralthawh thazang pek si lo in, SAC Ralhrang an cawl canghnak zoh in fiang tein hmuh khawh a si. Cred : The Chin Light
Relchap : Kalay Peng Khua 5 In Khuabawi Hna Riandinh Nak Ca An Tial Kalay peng chungah September 8 nizaan ah Khuabawi minung 2 cu meithal in an kahthat hna hnu ah khua 5 khuabawi hna cu rian din nak ca an tial. Kalay peng Lah khuakomh khuabawi U Shwe Zam Thang, Chin Suh khua khuabawi U Van La Mon, Aung khua khuabawi U Tin Lin Mg, Myah Sing khua khuabawi U Won Sin Puang le Sin khuakomh khuabawi U Suah Ling hna cu September 9 ni ah rian dinh nak ca an tial tiah ramkhel kong ah riantuan mi pakhat nih a chim.
” Nawlngeihnak lak hnu in khua tam deuh khuabawi cu rian in a din mi an tam. A tu hna hi cu rian dinh lo in pehzulh in a tuan mi hna an si. A tu cu an tih i rian an i dinh nak hi a si. Mipi hna sin ah zumh a tlak lo mi cu a lam ning tein kal a si ko lai ” tiah Kalay myo ramkhel pakhat nih a chim. Kalay peng chung ah September 8 Zan Kalay peng Maw Si khua le Pin Kone Kyi khua ah khuabawi 2 cu Dalan thiahtu phu nih an mah inn ah meithal in an kahthat hna. Kalay peng chung ah ralhrang lei tang mi zei bantuk minung a si mi poh poh cu thianh nan si lai tiah khuami hna nih an chim. Cred : The Chin Post
Leave a Reply