CDF-Hualngoram Cu CNO Le ZFU Nih Ralrinpeknak Cathanh An Chuahhnawh Hna!
===================================
Falam peng, Rihkhawdar khua i SAC ralkap sakhan a kaptu Chin ralkap hna cu a herh ningin hmalak nan si lai, tiah cathanh a chuahtu CDF-Hualngoram phu hna cu CNO/CNDF le ZFU/PDF-Zoland nih ralrin peknak cathanh an chuah hnawh hna. A luancia August 10 ahkhan Falam peng, Haimual khuathar pawng i SAC ralkap sakhaan cu Chin ralkap hna nih an kahdoh hna i SAC ralkap 8 an rak thi.
Cu kong he pehtlai in CDF-Hualngoram nih duhlonak cathanh an chuahmi cu, ZFU/PDF Zoland nih “Chin ralkap hna hi bantukin nan dohkalh hi dohthlennak tuahtu hriamtlai phu rian a si lo” tiah an langhter. CDF-Hualngoram nih khual a tlawngmi hna sin in phaisa nan hal hna mi hna cu, tuni thawk in a rannak in nan ngol cang lai, tiah an cathanh ah cun an langhter.
Cupinah, CNO/CNDF zong nih CDF-Hualngoram ca ah ralrin peknak cathanh an chuah ve i, an cathanh ah cun Rihkhawdar khua i a ummi mipi hna cu thinphang thlalau ding in nan ṭhihphaih hna. CNO/CNDF nih cun SAC le mipi ṭhihphaihtu cu kan cohlang lo tiah an langhter. CNO/ CNDF nih cathanh kan chuah bantuk in, Falam peng chung ah hriamtlai dang um lo ding le, CNO/CNDF hnatlakpinak tel loin kahdohnak tuah le mipi hna thinphang thlalau ding in cawlcanghnak tuah cu atu thawk in ngol ding a si lai, tiah theihternak le ralrinpeknak an tuah.
Relchih; KNU Le SAC Ralkap Kahdohnak Ah Palik Bawi Pakhat Le SAC 10 Hrawng an Thi I, Hriamthil Zeimawzat An Lak, Nihin August 15 zinglei, Karen ramkulh, Kawkareik(ကော့ကရိတ်) khuachung kahdohnak ah SAC palik bawi pakhat tel in SAC ralkap 12 an thi i, minung pahnih cu an nung in an tlaih hna. AK meithal pakhat le meithal dang 5 zong kan lak khawh, tiah KNU nih cathanh an chuah. “Minung pahnih cu an nung in kan tlaih hna i, cu chung ah pakhat cu law officer a si, pakhat cu zung rianṭuanmi a si,” tiah an langhter.
Nihin August 15, zinglei suimilam 10:30 hrawng ah Kawkareik(ကော့ကရိတ်) khuachung palik sakhan cu KNU nih an luhhnawh hna i, kaphnih kar kahdohnak minutes 15 hrawng a chuak. Cu hnu ah Kawkareik(ကော့ကရိတ်) SAC ralkap umnak 97 hmun lei nih khua pawnghrawng cu hriamngan in an kah. SAC ralkap 100 leng nih rallam sial in, khualeng ah hmunhma an lak, tiah tualchung mi nih an chim. Yaw PDF Hriam Chiahnak Hmun A Kaang! Sing 300 Man Leng An Sung!: Yaw tualchung hriamtlai phu (YPDF) nih hriamthil an chiahnak hmun cu July 31 ahkhan a kaang i, Ks. sing 300 leng man kan sung, tiah nihin August 15 ah YPDF nih cathanh an chuah.
Hriamthil sernak ah hmanmi zen cu a linh tuk ruang ah mei kanghnak a chuak i, cu mei kanghnak ruang ah hriamtlai phu lei hliamhma tuar mi cu an um lo, tiah an langhter. Mei kanghnak a chuah ruangah phaisa fang in Ks. sing 40 leng, cycle, laptop, dynamo, zen phun tampi le zeidang thilri, Ks. sing 300 leng man kan sung, tiah an langhter.
Mizapi nih bawmhnak nan pekmi le nan hlutmi phaisa hna cu a lak in kan sungh caah mizapi nan cung ah ngaihthiamnak kan in nawl hna. Hmailei ah hi bantuk sunghnak a chuahsual ti nakhnga lo ralring tein kan ṭuan cang lai, tiah YPDF nih an langhter. An sunghmi thilri cawk ṭhan nakding ah mizapi bawmhchanh halnak zong an tuah.
Yaw PDF Hriam Chiahnak Hmun A Kaang! Sing 300 Man Leng An Sung! Yaw tualchung hriamtlai phu (YPDF) nih hriamthil an chiahnak hmun cu July 31 ahkhan a kaang i, Ks. sing 300 leng man kan sung, tiah nihin August 15 ah YPDF nih cathanh an chuah.
Hriamthil sernak ah hmanmi zen cu a linh tuk ruang ah mei kanghnak a chuak i, cu mei kanghnak ruang ah hriamtlai phu lei hliamhma tuar mi cu an um lo, tiah an langhter. Mei kanghnak a chuah ruangah phaisa fang in Ks. sing 40 leng, cycle, laptop, dynamo, zen phun tampi le zeidang thilri, Ks. sing 300 leng man kan sung, tiah an langhter.
Mizapi nih bawmhnak nan pekmi le nan hlutmi phaisa hna cu a lak in kan sungh caah mizapi nan cung ah ngaihthiamnak kan in nawl hna. Hmailei ah hi bantuk sunghnak a chuahsual ti nakhnga lo ralring tein kan ṭuan cang lai, tiah YPDF nih an langhter. An sunghmi thilri cawk ṭhan nakding ah mizapi bawmhchanh halnak zong an tuah.
Yinpaungtaing Khua Ah SAC Ralkap An Chuah Hnu In Miruak 50 Hmuh A Si Cang! Sagaing ramṭhen, Yinmabin(ယင်းမပင်) peng, Yinpaungtaing khua ah umhmun a khuarmi SAC ralkap hna cu nizaan August 14 ah Yinpaungtaing in an chuak i, an chuah hnu ah ngakchia le nu telhin miruak 50 leng kan hmuh, tiah Yinmabin tualchung hriamtlai phu (YPDF) nih an thanh.
Miruak hna cu motor pakhat chung lawng ah 30 leeng kan hmuh. Ruak cheukhat cu mei in an khangh hna caah kan hmu kho ti lo. Ngakchia tampi zong mei in an khangh hna i, cheukhat ruak cu hliamhma he kan hmuh hna, tiah YPDF chungtel pakhat nih a chim. A thimi hna chung ah cheukhat cu ral a zaammi an si hna i, Pale-PDF, Yinmabin-PDF in sibawi ralkap zong an i tel hna, tiah a chim chap.
Tinpaungtaing lei zong ah khuami nu 24 cu SAC ralkap nih an tlaih hna i, ralphaw ah an hman hna, tiah theih a si. Nizaan August 14 ah SAC ralkap hna cu Yinpaungtaing in an chuak i, Yuanaung khua lei ah an kal.
A luancia August 11 in Yinpaungtaing khua ah umhmun an khuar hnu in, SAC ralkap nih khuami an tlaihmi hna lak ah minung 100 cu kan chanh khawh hna i, atu hi si-inn ah kan thlopbul lio hna a si, tiah a chim chap. Yinpaungtaing khua kahdohnak ahhin SAC lei a thimi zong an tam i, hliamtuar zong an tam caah vanlei kahdohnak an tuah, tiah theih a si.
Atu hi Yinpaungtaing khua pawng hrawng in khuami 2000 hrawng cu a himnak hmun ah an zaam hna. Yinpaungtaing khua in a thimi zat cu hlathlainak kan tuah cuahmah lio a si, atu tiang kan hlat khawh tawk ah ruak 50 hrawng kan hmuh cang, tiah Yinmabin PDF nih an thanh.
Leave a Reply