Chin Le Kachin Nih Ralkap Tam tuk An thah Hna Chin Le Kachin Ramkulh Ah Ralkap Tha Zang Vanlawng In An chap

Vanlawng tumkai a tlawmnak Yangon Airports ah nihin October 2 zinglei ah ralhrang hman mi vanlawng hna an tumkai a tam tiah Yangon mipi nih an chim. Ralhrang hmanmi vanlawng 4 cu tuzing ah an zuang.Vanlawng 3 hmunkhat ah an zuanng cun Mayan Kone peng,Bayinnawng zung pawng,helchum chungah khuami cheukhat nih a zuan lio kan hmuh tiah khuami nih an chim. Ralhrang nih Kachin ramkulh,Chin ramkulh,

Magwe ramthen, Sagaing ramthen hna ah kahdohnak a fah caah cunglei lam in ralhrang thazaang chap in va bawmh, vakah nak hna an tuah tiah mizapi vengtu ralkap hna sinin theih asi. Cu lawng si lo in China le Russia ram i a um mi raltuk nak hriamnam hna cu vanlawng in a rak pek tiah raltuk nak lei in thawngpang thanh tu sin in theih a si. – Khit Thit Media

Nizan October 1,2021 ah Lairam Politics Titi Whatsapp group nih cun Lawngtlai District chungah aa dormi hna bawmhnak ah kut an samh.Lairam Politics Titi Whatsapp group hi west Lairam(Lawngtlai District) chung i ramkhel(politics) kong ceihnak le thawngpang thar zamhnak media group a si.

Hi group ahhin Lawngtlai District chung i ram hruaitu upa tampi zong an i tel ve. Hi group member chung hna nih mah le ti khawhtawk in tangka an thawh hna i, Rs 72,000 a chuak.Cu tangka chuakmi vialte cu Chinmi aa dormi hna bawmhnak ah an hlut dih.An tangka hi Lawngtlai District chung i aa dormi tawlreltu bu nganbik CYLA(Central Young Lai Association) hruaitu hna sinah an pek.

Nizaan October 1, 2021 thiamthiam ah Lawngtlai East uktu MLA, Pu H. Biakzau nih Pangkhua i aa dormi hna bawmhnak ah tangka Rs 10,000 le silpalin zeimawzat a pek hna.MLA aiawh in Pangkhua VCP nih YLA Mino hna sinah bawmhnak hi a pek hna.MLA Pu H. Biakzau nih September thla Sangau le a kiangkap khua a tlawn lio ah aa dormi hna bawmhnak phaisa le thildang in bawmhnak tampi a rak pek cang hna.