Cherry Thet A Hnu Bik thawngfiang

Pu Henry V Thio kong hi anmah Ralkap/ Junta hmurka in a chuakmi bia a si caah, zumh tuk ding a si rih lo. Chinmi karlak buaiter or Mipi thazaang derternak caah, an sio rawl a si kho men. Cucaah, mah news a chuakmi cung ahhin comment pek/tial iralrin deuh rih ko hna usih.

Tulio kan ram dirhmun ka zoh tikah , khua dei lai, zinglei Suimilam 3 hrawng a si cang. A mui tuk rih nain, khua ceu a chuah ding kan naih deuh cang tiah ka tuak. Cucaah, thachiat ding a si lo. Vuangtu Ralkap camp khi, kah an hau lai lo. Anmah tein an ttio te lai ko lai. Zan ihngilh khawh lo/ ningtti in ni le caan an rel lio a si i, anmah tein an i surrender hlan cu, tuar ko hna seh, ka ti. Mipi Ralkap/ PDF an karh thluahmah.

An thawng chin thluahmah lio ah, Junta/ MAH Ralkap belte cu nikhat hnu nikhat an zawr thluahmah. A cheu cu Mipi Ralkap/ PDF nih an thah hna. A cheu cu an zam. Cucaah, MAH Ralkap, Aung San rak dirhmi “Tatmataw” khuachia nih a tuammi, Ralkap bu hi, Kawlram tuanbia in hloh thai ding an sinak nicaan cu kan naih chin thluahmah cang tiah ka tuak. Pray For Myanmar Pray for People armies/ PDF/ CDF/ CNF

Palek zikchang Cherry Thet cu online cungah May Mi account in March 6 thawkin nan thil tuahmi a dik lo tiah chim ngam lo ahcun daitein rak um ko, thil dik a si tiin cun chim hlah, March 7 ahcun zeiti chim len zongah anmah lei nih le CDM luh lo ahcun ralhrang party ah an in chiah lai, ralhrang lei nih le CDM tuah ahcun palek phung telh in zatlang he thong kum 13 chung an in thlak lai.

Aung San Suu Kyi runvennak petu Cherry Thet cu 505 (A) in tazacuai a si Kaphnih lei nih tlaih an duh ko caah zeihman chim loin na thilpuan hna cu i timhtuah law thonginn chungah na kal chung lai maw tiin, cuticun March 14 a hung phan i We Love Daw Aung San Suu Kyi facebook page in kan in ngai tuk cang ka u, tiah online cungah an post tiah ralhrangbu thawngthanhnak ahcun an langhter.

Cu pinah June thla ah khan NLD party Baylyn hluattaw palai Mathihriyeatana he pehtlaihnak tuah in Mathihriyeatana nih ram tangah riahbuj tuah in kan um i, hriamnam tlaihnak hmanthlak cheukhat hna le NUG thawngpang hna cu an i kua, ram chung breaking news hna zong i kuat in cawlcanghnak a um ruangah case kan tuahnak a si tiah ralhrangbu thawngthanhnak ah an langhter. Palek zikchang Cherry Thet cu September 23 ah Naypyitaw no (1) palek riahbuk ah section 505 (a) in ralhrangbu nih taza an cuai tiah thawngtheih a si tiah Khit Thit Media nih a tial.

Be the first to comment

Leave a Reply

Your email address will not be published.


*