CDF Tete Nih CNA/F An Min Kan Zuar Piak Ti Hna Hlah Uh!!!

Hriamtlai phu thar tete nih CNF/CNA cung ah zei rel lo ngai in bia an chim i an um mi hi cu lung a tha lo ngai. Kum 30 chung leng kan ram le miphun himnak ding caah nunnak thap in rian a rak tuan cangmi an si. Thisen le thlanti kan hlan ah minung 80 leng nih nunnak an rak pek cang. Cu hnu ah a tu Min Aung Hlaing nih uknak a hun lak i hriamtlaih nak kum khat fai lawng a si rihmi hriamtlai phu tete nih CNF/CNA cung ah zeirel lo ngai in bia an chim hi cu lung a tha hrim loh.

Nihin Kawlca ah a lar ngaimi cu Chin miphun mah te uknak le khuakhan lairelnak ahhin CNF hi an i tel a hau loh timi Kawlca a um. Cucu tam ngai hmuh a si cang. CNF a rem lomi hna nih an tialmi a si lai tiah ruah a si. Kha cu va um rih ko sehlaw tulio cu mah pengtlang cio in i uk a si. Mahhi i uk hruainak ahhin CNF/CNA kan pa le an sawm lomi hna an peng an um len ti a si.

A bik in Mindat lei hi an si. Mindat peng mah te uknak le khuakhan lairelnak an tuah. CNF lei kan pa le an sawm lem hna lo. Anmah tuah in an tuah ko. Cu lawng hmang a si lo. CDF le CNA nih Matupi le Mindat kar ah raltuk an van bawmh hna hmang ah kan bawm hlah uh. Nanmah bawmh kan herh lo. Kanmah tein kan ral cu kan i tuk lai an rak ti hna i an rak kirter hna. Cu lawng si loin CDF kan hruaitu pawl nih a leng tohawng nak i bia an chim tik zong ah CNF/CNA cu zeihmanh an si lo timi bia an chim a tam ngai cang.Credit: Cung Van Lian

Relchap, NUG Acting President Duwa Lashi La Nih Sagaing Ramṭhen, Peng 15 Ah Mahte Biaceihnak Nawl A Pek Hna. Hi NUG Acting President Duwa Lashi La Nih Sagaing Ramṭhen, Peng 15 Ah Mahte Biaceihnak Nawl A Pek Hna National Unity Government lei NUG Acting President Duwa Lashi La nih Sagaing ramṭhen, peng 15 ah peng biaceih bawi phu a thim hna i, mahte biaceihnak nawl a pek hna tiah NUG nih May 19 ah cathanh a chuah.

Mahte biaceihnak nawl a pekmi peng hna cu atang lei bantuk hin asi lai. Kathar peng, Kawlin peng, Banhbalu peng, Banmauh peng, Hkyunhla peng, Inntaw peng, Htichaih peng. Kani peng, Watlet peng. Ayataw peng. Myinmu peng. Taze peng. Khin U peng, Tamu peng le Yinmarbin peng hna an si. Mah vialte hi atu tiangah cun an langhter mi asi rih i adang ah um than ah cun kan rak thanh than lai.

India ram Assam state cu monsoon(ṭhalruah) ruahsur nih ti a lianhter caah minung sing 6 hrawng nunphung a buai cang i( hartong), minung 9 nunnak tiang a liam cang, tiah India ram media hna nih an thanh. NDTV nih a phuan ning ah cun Assam state chung district(pengkulh) 27 ah cun tilian ruangah buainak/ harnak a tong lio. Minung 48,000 leng cu relief camp 248 ah ṭhial an si cang.

Hojai le Cachar district hna cu tilian a tuar faak khun mi an si i, minung singkhat leng nun phung a buai lio. Hojai district ah tilian nih a hreen mi thong leng cu Indian Army bawmhnak in an va thiarchuah hna. Dima Hasao district cu hmundang he pehtlaih khawh loin ni 5 chung a um cang. Ruahti tamtuk a tlak caah tlanglawng lam le motor lampi hna an cim, Assam ram pawngkam Tripura, Manipur le Mizoram pehtlaihnak hna cu an rawk, tiah theih a si.

A luancia nithum in khan Assam, Meghalaya le Arunachal hna ah cun faak ngai in ruah a sur i, Guwahati khuacaan thanhnak nih cun a ralai mi ni 4 chung tiang ruah a sur kho rih, tiah a thanh. India Union Home Minister nih Assam cu a si khawh chung in bawmh a timh, tiah Assam state chief minister Himanta Biswan Sharma nih a chim. Cupinah Assam cozah nih tilian ruangah nunnak a liam mi chungkhar hna sinah India sing 4(₹4,00,000) cio a pek lai, tiah a thanh.

Tlangcung hraimtlai phu khat cio in thaizing May thla ni 20 thawk in SAC ralhrang lutlai Min Aung Hlaing he ceihhmainak ngeih ding ah ton biaruahnak ngeih a si lai tiah theih  as i. Tuni May thla ni 19 Nay Pyi Daw ah tuah mi thawngzamh thianh hlimhnak ah SAC ralhrang in chim nawl ngeitu Zaw Min Htun nih a chim.

” Thaizing thawk in ceihhmainak ngeih a si cang lai. A pakhat nak in ceihmainak ngeihtii hnga ding tlangcung hraim tlai phu cu RCSS/SSA a si lai. Ton biaruah ceihmainak ngeihti dingah an rak phan cang. ” tiah Zaw Min Htun nih a chim.

SAC ralhrang lutlai tonbiaruahnak ngeih ding ah talngcung hraimtlai phu hna laak cu RCSS, SSPP le KNU/KNLA-PC phu hna cu an mah phu  hruaitu pawl an rak kai lai i, a tang mi phu hna cu phu chungtel aiawk tu an rak kai lai tiah theih a si.

A tu ah SAC ralhrang he tonbiaruah ceihhmainak ngeih ding ah NCA ah min a thu cia mi tlangcung hraim tlai phu 7 hna le NCA an min a thu rih lo mi thu 3 an rak kai lai tiah theih a si.