Bungtla Electric Sehzung Bomb in an Puah Matupi peng SAC ralhrang nih an hman bikmi Bungtla Electric sehzung cu nihin chun ah CDF nih bomb in an puah, tiah thawng kan theih. Bungtla Electric sehzung hi January 2006 ah an rak sermi a si i, Matupi hrambunh SAC ralhrang bu no. 140 nih abikin an hmanmi a si. Khuami pakhat nih, “Nihin chun ah khan bomb in an puah hnawh.
Matupi ralkap pawl zong bomb puahnak hmun lei ah an kal. Cun, District zung tang ah hmun a khuarmi ralkap nih a langtlang in bomb zong an kah len,” tiah a chim. Rakhine ramkulh le Chin ramkulh runvennak ttuanvo a latu SAC ralhrang bu Western Command Center hi Rakhine ramkulh, Ann khua ah a um i, Bungtla Electric sehzung le Ann peng ah a ummi Electric sehzung pakhat hi anmah kuttang ralkap bu pawl nih an hman bikmi an si. [Burmese]
Vuangtu SAC Ralhrang Sakhaan CNA le CDF-Zophei nih an Hrawh Lio – September 30 ah SAC ralhrang pawl nih an zaamtakmi Vuangtu khua i an sakhaan cu CDF-Zophei nih an hrawh cang. “Hi sakhaan ah hin SAC ralhrang 12 an rak um. Kah ding in timhtuahnak kan ngeih lio ah an tliktak hi a si. Sakhan ah an hmanh takmi Bomb 8 kan lak khawh i a kiangkap ah Bomb hmanhmi a um rih khawh caah kan kawl cuahmah lio a si,” tiah CDF-Zophei nih an langhter. Sakhaan ah a rak ummi SAC ralhrang pawl cu September 30 ah helicopter in an lak dih hna.
USA Rawn Chin nih CDF-KKG tingza 525 Kan bawmh hna i lunglawmhnak roca a vun kan kuat, CDF-KKG Bawipa nih nan saduhthahnak tlamtlinter ko seh. Khua tuan ah kan rak kuatmi pawl zong received kuat khawh viar a vun kan zuampiak te lai, cun US lei zong nih $ in kan kuat zat dikdir tein langhter khawh kan i zuam zau ve te lai. CDF-KKG nihhin an hmuh zah cu a kan chimh khawh nain an hmannak cu langhter awk a thalo note book ah an i tial viar i ral dih tikah piakhat zong bauloin an hmannak langhter an i tim. “Miphun a liannnantertu cu dinnak asi, sualnak cu zei miphun paoh caah ningzahnak asi” Prov 14:34 USA Rawnchin
Leave a Reply