CDF Nih Phaisa Kongah An I That TTimi Kong Fianternak

Bawmhnak tangka kong ah CDF-Mindat an buai i an i kap, ti mi thawng dik lo fianhnak an tuah CDF-Mindat cu bawmhnak tangka kong ah an buai i anmah le anmah meithal in an i kap, pahnih an thi i pathum hma an pu ti mi thawng dik lo a zamhtu an um ca ah CDF-Mindat nih thawng dik lo a si mi fianhnak le thawng dik lo a thanhtu nih tuanvo a lak lai ti mi ca an chuah.

Magway ramthen chungah rallokap,palek le veng uktu an rianchuah tak dingin YSO-PDF nih September 24 ah ralrin peknak an thanh. Atu kan thanhmi hi a hnu bik ralrin peknak a si tiah YSO-PDF in tuanvo ngeitu pakhat nih a chim. Hi hmunhma chungah ralhrang rian a bawmtu rallokap,palek chungtel hna le zungkip in cozah riantuan hna nan rianchuah tak dingin a hnubik ralrin peknak a si tiah an langhter.

Yesagyu mipi vengtu ralkap YSO-PDF zong nih Yesagyu peng chungah veng uktuk dihlak September 30 a hnu bik nan rian nan chuahtak lai tiah YSO-PDF in tuanvo ngei pakhat nih a chim tiah RFA nih a tial. Yesagyu peng in Hnawnba,Maooauhsaih,parihta,Kai,Mukuai le Kanoo le a dang veng uktu hna cu September thla lai ah an rian an chuahtak cang tiah theih a si. Yesagyu peng ah veng le khuakomh 89 an um i,rianchuah tak mi le a zaam mi veng uktuk 10 nak tlawm lo an si tiah khuami sinin theih a si.

Yangon Insein thonginn pawng Bayinhnawng lam Min Seti pawng Nging Pin Thar Pungki-inn pawng ah ah tuzing suimilam 7:35 thok in bomb 4 pehzulh in a puak tiah khuami hna sinin theih a si. Nihin September 25 zing Suimilam 1:30 ah San Chuang, May Ni Kone Kone Kyaw hlei ah kahdohnak a um ti cu a fiang mi thawng pang cu a si rih lo nain minung cheukhat a thi mi an um tiah kan theih.

“Khualtlawng mawtaw khaltu pakhat nih a chim nak ahcun ralhrang 3 an thi.Palek zong a thi mi an um.An lu hmanh langhter ngam lo in seh meithal in an kah hna tiah ” Khit thit media ah a chim. Hmun cheukhat ahcun mawtaw pakhat in mi cheukhat nih ralhrang hna cu an rak kah hna i ralhrang nih khatlei in an kah ve hna caah mino cheukhat an thi tiah a chim chap. Tuzing suimilam 8: tiang May Ni Kone hlei cu ralhrang nih an phih i zing Suimilam 9:30 ah an on than tiah kan theih. Khit Thit Media

Be the first to comment

Leave a Reply

Your email address will not be published.


*