CDF-Mindat+CDF-Kanpetlet le PDF- Ralhrang Tam Taktak An Thah Hna

Yaw Peng chung voi 2 kahdohnak ah Kawl ralkap 50 tluk an thi, November 19 le 23 ah Kawl ralkap le YDF (Saw+Kyaukhtu)+CDF-Mindat+CDF-Kanpetlet le PDF-Saw kar kahdohnak ah Kawl ralkap lei 50 tluk an thi. November 19 kahdohnak lio ah Kawl ralkap 40 tluk an thi i November 23 kahdohnak ah 10 tluk an thi, tiah YDF nih an thanh. The Hakha Post

A herh ahcun, Rampi phunghram Upadi ah tha tein kan ngeih cang mi, Ram mi (Citizen) paoh ralkap rianttuan ding timi a tak in kan tuan lai tiah SAC ralhrang bawi Min Aung Hlaing nih a chim. Kawlram nih hi Upadi hi kan ngeih cang mi, fehter cang mi a si i a tak in kan kal pi khawh, a herh ahcun ram mi paoh ralkap training kan pek hna lai tiah Min Aung Hlaing nih cun a chim ti a si.

November 26, 2021 ah tuah mi Kawl ralkap Pension pawl Meeting ah Min Aung Hlaing nih a tu bantuk in a chim hi asi. Ram mi paoh ralkap ttuan ding timi cu ralhrang an thazaang a zor ngai cang, an thazaang a der ngai cang timi fiang tein a lang ngai ngai. “Myanmar rampi nih phunghram pohmah 386 ah tha tein kan ngeih mi cu ‘Ram mi dihlak cu ralkap training kai ding, rampi venhim ding in tuanvo an ngei dih” tiah fiang tein a langhter.

Cu Upadi he pehtlai in Pyithu-sit Upadi (2010) ah tuah mi le Reserve Force Upadi(2010) zong fehter a si cang. Cu caah Ram mipi dihlak kan hruai khawh hna” tiah Min Aung Hlaing nih a chim hi asi. Kawlram Pyi-thu-sit le Reseve Force caah kumkhua zong rikhiahnak, a mah le sining cio in tuah dih a si.

Kan phunghram hrimhrim nih ram mi a si mi paoh nih ralkap tuan ding, ram runven ding timi a um i kan chap chih mi zong a um fawn cang. Cu caah a herh ahcun kan duh mi minung, ram mipi paoh ralkap kan tuan ter hna lai, kan dawh hna lai tiah Min Aung Hlaing nih cun a chim hi asi.

Nizan November 26, 2021 ah khan Lawngtlai District siangngakchia bu, Lai Students’ Association, General Headquarters cu kum 2021-2023 chung hruaitu ding thimnak an ngei. Lai Students’ Association, General Headquarters president ah F. Vanlalruatpuia cu thim a si.

Lai Students’ Association, General Headquarters hruaitu thimnak ah hin adviser pahnih F. Thanliana le H. Vanlaltanpuia hna nih tuanvo an lakpiak hna. LSA General Headquarters hruaitu ding in thim thar mi hna cu:- President : F. Vanlalruatpuia Vice President: Tumbikceu General Secretary:

MC. Vanlalrova Associate Gen. Secretary: Robert Liansangpuia Treasurer : Eric Lalliankima Financial Secretary: B. Zomama hna an si. LSA General Headquarters hruaitu thimnak ah hin a dihlak in vote 244 a tla, tiah thim thar mi General Secretary sinin thawng kan theih.