CDF-Mindat le PDF I Bawm In CDF-Mindat le PDF-Yaw i bawm in Gangaw Minzwar palek sakhaan an kah i palek 5 le a bawmtu ding ah a ra ve mi palek 30, an dihlak 35 an thah hna tiah theih a si

CDF-Mindat le PDF-Yaw i bawm in Gangaw Minzwar palek sakhaan an kah i palek 5 le a bawmtu ding ah a ra ve mi palek 30, an dihlak 35 an thah hna tiah theih a si. Yaw PDF( YDF) le CDF Mindat fonh in September 12 zing suimilam 2 tluk ah Magway ramtthen Gankaw peng Minzua palek cu an kah i palek 5 an thah hna .Cun ral bawmh ah a rami Palek 30 an thah chap hna i dihlak 35 thah an si tiah YDF nih thanh. YDF le CDF in minung 3 nih hliam an tuar. Crd: The Federal Times

Delhi lei panh a rak tim mi nih Ralrin deuh a herh men lai – Nihin zing ah kan mah lei minung Delhi ah rat a timi minung 26 Guwahati ah tlaih an tong. Nanmah lei mi an si tiah an ka chonh i an rak si taktak ko. A mah belte an min, Laitlang lei an khua dihlak in theih khawh a si rih lo. Hmuhton le chonh an ngah rih lo. Keimah zong an tlaih hna timi hnu lawng ah ka theih caah an sining a dikthlir in ka hlat kho ti lo.

Chanchuah khawhnak ding ah hmunkip hlathlai le bawmh hal a si nain tlamtling lo. Guwahati ah a um mi ka Unu a dam lo ngai mi, Sizung ihkhun cung ah a it ko mi tu, bawmhhal le hnahnawh nak ka va pek tthan i ka buaipi ko ka ti. A mah nih an umnak a hlat khawh (Police Station an chiah nak hna) a si nain hmuh le chonhbiak a ngah rih lo. Thaizing zing ah rak ra te an ti i a dam lo bu in Police Sakhan ah thaizing ah a va fuh te hna lai i,

zeitin dah tawlrel ning, zeiruang bik ahdah tlaih a si timi zong a fiang te men laid ah. Nain fawi tein chuah khawh lo zong an si kho deuh men. Ka chim duh mi cu “Delhi lei rat a tim mi nih, Guwahati , Asam ram lei in a ra mi nih kan tlunnak Hotel hi zeibantuk Hotel dah a si, lampi a him maw, zeibantuk catlap he dah kal ah a him deuh lai ti bantuk zong felfai tein hlathlainak ngeih a tha lai dah.

Atu tiang cu an caah tuah khawhmi le chanchuah khawhnak pakhat hmanh ka tuah khawh mi a um rih lo. Hi minung(26) caah tuah ttuan khawh mi le chanchuah khawhnak lam hna ka ngeih khawh ve sual pang ahcun update tu tuah kaa zuam than te lai. Delhi lei panh a timi caah ralrin a herh rua timi siaherhnak he ka tarlangh. Siaherhnak he _ Salai CungDawt

Be the first to comment

Leave a Reply

Your email address will not be published.


*