CDF Mindat In Ko Yaw Man Nih Khuapi lak, khuakip Kah Zong Kan Phan Kho
==================
Chinram Matupi- Mindat lam ah atu le a tu in ralhrang pawl kahdoh a si bantuk in mipi hmunhim tu phu pawl hnan he i fonhin ralhrang pawl a kahdohtu CDF Mindat lei zong nih ralhrang pawl cu nam thluah mah in kahdoh an si lai i adongh nak ah cun khua chung tiang ah luhhnawh , khuapi lak kahdohnak zong a si khawh nak kong cu Mindat – CDF lei in Ko Yaw Man nih a chim.
” Kan mah lei ah ralkap athiam deuh mi an ra thluah mah hna. Kahdohnak zong a tam chinchin deuh lai. A dong nak ah cun kan mah CDF lei nih khuapi lak tiang kahdohnak zong a chuak te ko lai tiah Ko Yaw Man nih Khit Thit Media ah a chim.
A tu lio ah Matupi lei ah arak ra mi raltuk nak motors 83 cu Mindat le Matupi kar ah an phak nak kong, Mindat ah aum mi Tatyin 274 le Cohthuh ralkap thlanglei nih hriamnam ngan in an kahdoh ruang ah Li Laung inn pahnih a kang tiah kan theih.
” SKS nih hriannm ngan in an kahnak hi zarhkhat a hau cang. Zaan ah an kah, meng 20 a zuang kho mi hriamnam ngan in an kah. Mindat he meng 18 aa hlatnak Chohthuh khua lein in an kah. Mindat a um mi Tatyin 274 hna nih an kah.
Tuni ralhrang nih hriamnam in an kah ruang ah Li Laung khua inn hnih akang. Shiat khua zongah hriamnam ngan in an kah. Tuni ah hraimnam ngam in voi 9 hrawng an kah nain minung tu cu akheng hna lo.Zei ruangah dah an kah ti cu chim khawh a si lo. Hriamnam ttha tha an ngeih mi an i cua i si lai, an kan tlerh nak a si lai” tiah CDF Mindat in Ko Yaw Man nih a chim.
Chin ram ah , Chin National Army CNA tel in Kum 2021, September thla 30 ah Chinland Joint Defense Committee timi dirh a rak si i mah dirh mi phu ah CDF Mindat zong an i tel hi a si. Chin ram, Mindat peng cung ah aum mi, Mindat CDF hruainak thawng in sianginn 136 an on caang ti zon in thawng kan theih.
Lak Nak- The Matupi Times
News Dang, Khun Myit Htun Nih NUCC AH Meeting Ka Kai Mi Hi PNLO Aiawh In Ka Kai Lo
================
NUCC nih January ni 27 in ni 29 tiang ah online in hmaiton biaruahnak a tuah mi ah Khun Myit Htun nih PNLO aiawk in a kai mi ka si lo PNFC aiawh tuin akai mi tiah Khun Myit htun nih a chim.
Khun Myit Htun nih ” PNFC zong nih theihternak cathanh achuak ko. A luancia mi December ni 11 ah kan mah PNLO nih kum 2021 December thla 11 ah a voi 72 tlin nak Pa Oo dohthlennak puai kan tuah.
Pa Oo dohthlennak atuah tu phu i fonh dih in kan tuah. Mah PNLO kan dirh hnu ah mah ni ah cun PNFC zong kan dirh. Mah PNFC president cu kei mah hi ka si.
Mah NUCC online in ton biaruahnak ah PNCF council aiawh in mah ton riahnak ah ka kai i PNFC aiawk in biadchim nak nawl kan ngei ve. Thawngzamh tu hna nih an langhter ning ah , ka chim duh mi cu,
PNLO president nih biachimnak a ngei lai nan ti ma kha a si. Mention tuah in chim mi a si. A tak ngai ti ah cun mah ton biaruah nak ah ka chim mi cu PNFC council President aiawk in biachim mi ka si tiah” CNI ah a chim.
NUCC ah Khun Myit Htun nih a chim mi pawl ruangah PNLO pawl an ruah ning aa karh dih cio hna. Khun Myit Htun nih PNFC aihawh in mah tonbiaruahnak ah akai nak kong, PNLO aiawk in akai mi ka si lo tiah a chim mi ruangah PNFC le PNLO kar ah i theihthiam lo nak fak piin a chuak.
Ko Hmu Gyi Hkun Okker nih ” Mah kong zong hi a cung lei nih an kan hal ko. Mah NUCC ah Khun Myit akai mi zong hi PNLO aiawh si lo tiah acung lei zong nih an kan ti ko. Kei mah zong nih ka chim ko.
PNLO nih nawl aser mi pakhat hmanh aa tel lo. Mah kong hi amah pumpak zongin aa phisin te ko lai. NUCC ah hohmanh nih an theih lo mi PNFC tiah a chim. PNFC an dirh hnu ah mah min iputin NUCC ah akai mi hi a si.
A si nain PNFC cu hohmanh nih an thei lo. Khun Myit nih a chim mi hi PNLO nawlchuah tiah nan ruah sual ah cun palh vialte lak ah palh bik a si lai. Policy a dik lomi bak. PNLO policy ah mah kong kha pakhat hmanh aa tel lo.
PNLO policy cu NCA cung lawngah a um. Ramkhel raldoh nak cu Ramkhel in kan phisin lai kan doh lai. Khuami pawl kan khamh hna lai. Ral sinak kan zawr ter lai. Huatnak pawl kan zuar ter lai. That lonak pawl kan zawr ter lai.
Fonhtom nak hmun ah tianvo ngei tu pawl an i tel dih lai, mah nawlchuah pawl hi PNLO nawlchuah ah aa tel mi an si” tiah a chim. “PNLO hoikom cu a si. A sinain kan mah mino pawl adik lo mi lam an zulh lo nak hnga lo.
Minih dekhlen, salzawt aing kho lo caah control nak ding ah amah tein a dirh mi a si nain buainak cu a um lo. A sinain dirh hmsa mi PNLO policy ah a si lo. Kan mah policy cu NCA lam policy a si.
Thal dohthlenak zei e, zei e, tiah a au khuang sawhsaawh mi pilicy a si. Mah phu dirh mi pahnih hi Policy aa khat lo mi a si. Fonhkomh in rian kan tuan ti kho lai lo” tiah a chim chap. PNLO nih atu kawlram ah acang mi ramchung kahdohnak ah CNA min athu mi an si. Mah PNLO le PNFC karah buainak hi NUCC ruangah a si tizong ti khawh a si.
Leave a Reply