CDF-Matupi Le Ralkap I Kahnak Thawngthar

CDF-Matupi nih SAC ralkap an thah len hna nain azat a fiang lo September 23, Matupi Peng, Ngaleng le Phaneng khua kar ah SAC ralkap he kahdohnak a chuak i SAC ralkap lei in a thi mi zat a fiang rih lo tiah an thanh. Hi kahnak hi khuami 2 an tlaih hna hnu 2:45 PM hrawng, Phaneng le Ngaleng kar ah a cang mi a si i SAC ralkap an thi len nain azat kan fiang lo, kanmah lei aa hliam mi kan um lo, tiah an thanh.

KNU Brigade 6 hmunhma simi Dupalazia pengkomh,Nutakaw peng,Wuama khua pawng hlei i kahnak ah ralhrang pakhat a thi tiah theih a si. Nihin September 22 chun suimilam 11:30 ah KNLA Batalian 17,Tatkhuai(2) ah ralhrang kuttang Bohmu Aung Naing Lin hruaimi Khah-Mah-Yiah 432 ah i kahnak a chuak.

I kahnak a chuah hlan ah ralhrang lei nih KNU hmunhma a simi Phayiangatuh khua ah umhmun khuar ding voihnih an nawl hna nain KNU lei nih an cohlang lo. “Cu ruangah nawlngeihnak la ralhrang lei nih nihin thazaang 70 hrawng he hriamnam tling he ra in Payiangatih khua phanh hlan,.

Wuam khua hlei pakhat ah kanmah he i kahnak a chuak’ tiah KNU lei in Tanukaw peng rianngei pakhat nih a chim. I kahnak ah ralhrang kuttang Khah-Mah-Yiah(432) Batalian in pakhat a thi pahnih hliam an tuar tiah KNU Brigade 6 nih a thanh. Brigade 6 ah ralhrang he i kahnak a tlawmnak hmun pakhat a si i a dang Brigade 1,2,3,5,7 zongah thazaang chap in ralhrang he i kahnak a chim,

Tedim peng,Taingen khua pawngah Mytel Tower Hrawh A Si Tedim peng,Taingen khua pawngah Operator 3 ummi Tower i Mytel thilri cu PDF-Zoland, pawl nih September 21 zaan suimilam 9:30 ah an hrawh tiah theih a si. Hi Tower ah Mytel,MPT,Telenor ti’n chiah mi a si i Mytel Generator,thilri pawl an hrawh hi a si. Tedim peng ah Mytel Tower 6 an hrawh cang. Myanmar ram pumpi huap in Mytel Tower 100 leng mipi vengtu nih an hrawh cang.

Be the first to comment

Leave a Reply

Your email address will not be published.


*