CDF le SAC ralhrang karlak kahdohnak a fak Tuk Caah

Chin Ramkulh, thlanglei laitlang Kanpetlet CDF le SAC ralhrang karlak kahdohnak a fak, a zualhma i Council zung cheukhat a kaang tiah thawng kan theih. November 23 kahdohnak ruang ah, Council Cozah zung Kanpetlet Penguk zung le La-wa-ka zung ciam dihlak in a kaang. “November 23 ah kahdohnak a chuak. Tlawmpal i kah hnu suimilaam 10:00PM tluk ahkhan an zung a kaang.

A thaizing zong SAC ralhrang an rak chuak than i kahdohnak a chuak than. Kanmah lei hliam a tuarmi le nunnak liammi cu an um lo,” tiah a chim. Kanpetlet Peng chung ah kahdohnak a fah ca ah khuami cheukhat hna cu an zaam i ralzaam camp hmun thum ah an um. Cun, uknak laak hnu Kanpetlet peng chung ah CDF le SAC ralhrang hna karlak ah voi 30 kahdohnak a chuak cang tiah kan theih. V.O.A Journal

Thai ram Ganchanspuri ramkulh chungah ramri in phungning lo lutmi Myanmar rammi phu thum cu November 23 ni ah kan tlaih hna tiah Thai palik zung nih cathanh an chuah. Muang ah tlaih a tong mi hna cu pa 9 le nu 4 an si. An mah cu Thawai, Magway, Yangon le Pako ah ummi an si i, Thai ram ah riantuan ding in puai-sa sin ah minung pakhat nih bat- 17000 in bat- 25000 tiang pek in Thai ram ah an phan tiah theih a si.

Phu hnih nak hna cu Muang peng khua pakhat pawng ah tlaih an si i an dihlak ah minung 31 an si. Tlaih a tong mi hna cu Thawai, Yakhine, Mawlamyine, Pako in an si i puai-sa sin ah minung pakhat nih bat-20000 pek in aa thawhmi an si. Phu thum nak tlaih a tongmi hna cu Sangkhla Buri ah ralkap le palik phufonh nih hmunhma zohfelnak an tuah lio ah pa 10 le nu 6 an tlaih hna hi a si.

Tlaih a tongmi Myanmar rammi hna cu Thai ram kalnak dingah puai-sa sin ah minung pakhat nih bat-18000 an pek hnu ah ramri lawnh in an lut tiah theih a si. A tu ah tlaihkhih a tongmi Myanmar rammi hna cu Thai ram palik kutchung ah chanh an si cang i, u-pa-di ning in hmalak nak kan tuahlai tiah Thai ram nawlngeih tu hna nih an chim. The Chin Post

Sagaing ramthen Myiang peng chung Kyauk Tan nitlak lei khua le Swe Ta Chung khua hna cu ralhrang nih nihin November 24 ni zing sml 8:00 hrawng ah an duah i khuami 1300 leng a himnak hmun ah an zaam tiah khuami hna sin in theih asi. ” Zingkaa teah rallam an rak samh i an rak lut. Khua an luh lai ah hriamngan in an kah. Khuami hna zong thinphang in kan zaam. Khuami hna cu ahimnak hmun ah an um.

Mei an duah mi inn hna cu inn zeizah asi tiah kan fehter kho rih lo. An duah lio pi asi. Lam hlat pi in kan cuanh” tiah Myiang peng ralzaam hna bawmchan tu phu chungtel pakhat nih achim. Ralhrang hna nih Myiang peng chungah November thla thlakhat chung ah sualnak ngei lo mizapi inn an duah i voi 10 nak tlawm lo asi cang tiah khuami hna nih anchim. DVB

Be the first to comment

Leave a Reply

Your email address will not be published.


*