CDF Le Ralhrang Kahdohnak ah Ralhrang Ceilak An Thi

CDF-Mindat le YDF in Ralkap 14 an Nunnak a Liam – Nizaan tihni, November 17 ah a cangmi Htilin peng chung kahdohnak ah CDF-Mindat in munung pakhat le Yaw Defense Force (YDF) in minung 13 an nunnak a liam, tiah YDF nih thawngpang an chuah. November 16 le 17 ah SAC ralhrang nih ralzaam minung 5 zong ruru hranghrang in an thah hna tiah an langhter. SAC ralhrang lei in minung 10 hrawng an thi i, hliamhma tampi an pu. – The Chin Journal

Nihin November 19, 2021 chun SAW pengkulh chung raldohnak ah SAC ralhrang (40) hrawng kan thah hna tiah Kanpetlet CDF nih an langhter. CDF-Kanpetlet, CDF-Mindat le YDF (PDF SAW) tiah i bawm in ralhrang an kah hna hi a si. Zing suimilam 8:00AM hrawng in kahnak a faak ngai. CDF-Kanpetlet, CDF-Mindat le YDF, PDF SAW tiah i bawm in SAC ralhrang pawl cu kan doh hna hi a si.

Hi zinglei i kahnak lawng ah hin SAC ralhrang lei 40 hrawng an thi tiah thawngpang thanhnak an tuah mi ah an langhter chih. Nihin zinglei kahnak ah SAC ralhrang 40 hrawng an thih hnu ah SAC ralhrang lei nih chun suimilam 12:00PM hrawng in khan Helicopter pahnih tiang an rak hman i CDF le YDF pawl an umnak a si lai timi hmun paoh cu Helicopter in an rak kah hi asi.

SAC ralhrang lei nih Helicopter pahnih tiang an rak hman i hriamnam pical he faak tuk in an kan kah. A si nain CDF lei cu kan him dih. PDF SAW pasaltha pakhat nih hliam a tuar i a dang pakhat nih a nunnak a pek tiah an langhter hi asi. Source: Chinland Defense Force (Kanpetlet)

Kahdohnak Kong Thawngthanh Nak Palik nih an i citmi motor cu Gangaw-PDF nih bomb puahhnawh in an doh hna caah palik 5 an thi. Nihin November 19, zinglei suimilam 9:30 hrawngah Gangaw in chaklei ah a kalmi palik motor pakhat cu mengtung 13 pawngah PDF-Gangaw tat-khuai 2 nih bomb puahhnawh in an doh hna caah palik minung 5 an thi, hliamtuar an tam. PDF-GanGaw tat-khuai 2 in mipi vengtu ralkap phu hna cu hliamtuar um lo in hnu an tolh kho tiah Gangaw-PDF nih cathanh an chuah.

Yaw ah kahdohnak a faak chin, ralhraang nih helicopter an hman November 19, 2021 Magwe ramthen, Yaw ah ralhraang le tualchung PDF kar kahdohnak a faak chin i ralhraang nih helicopter an hman tiah tualchung thawngpang hram in kan theih. Yaw (YDF), Saw PDF, Mindat CDF, Kanpetlet CDF phu fonh le ralhraang kar kahdohnak cu November 19 zing thawk in a fah chin hi a si. Saw peng Kyaukhto vanlawng bual ah ralhraang raltuknak helicopter le a dang pakhat a tum tiah tualchung mi nih an chim.

Saw peng Cingchaung khua le Tawmah khua hrawng ah kahdohnak a fah caah Gankyi lam ah umkal ralrin ding Kanpatlet CDF nih a thanh. Atu tiang ah cun Htilin peng chung kahdohnak ah YDF Htilin in pahnih an thi, pakhat hliam a tuar i Mindat CDF in pakhat hliam tuar an um tiah kan theih. Ralhraang a thi mi zat cu fiang in kan hngal kho rih lo nain hliam tuar tampi an um tiah tualchung thawngpang hram in kan theih. Ref. Mizzima