Magway ramthen, Saw peng Ginling khuapawng November 19 ni kahdohnak ah Chin mizapi vengtu ralkap CDF khanak in ralhrang helocopter pakhat cu a khu tampi he Kyaukhtu vanlawng tumnak ah emergency in a tum tiah PDF-Saw nih cathanh an chuah. Ginling khuapawng nizaan ralhrang he kahdohnak ah,.
CDF, YDF, PDF- Saw phufonh hna cu an tengti, ralhrang phu lei in minung 40 leng an thi i PDF-Saw in minung 1 a nunnak a liam tiah theih a si. Cu kahdohnak ah ralhrang phu lei nih Mi35p phun kahdohnak vanlawng cu hmang in vanlei in an kan kah tiah mizapi vengtu ralkap phu hna nih an chim. Khit Thit Media
Sagaing ramthen, Watlat peng Teetaw khua sianginn ah umhmun khuar ding in aa timmi pyusawthi phu hna telhin ralhrang minung 100 hrawng an lamthluan ah November 19, zinglei ah khuachung mizapi vengtu phu hna nih sianginn pawng ah bomb puahhnawh in an doh hna caah ralhrang lei minung 30 leng an thi tiah khuachung ummi hna nih fehternak he an chim.
” Kahdohnak cu zinglei suimilam 9:00 hrawng ah thok in chunghnu suimilam 2:00 tiang hrawng kahdohnak a chuak. Khuachung inn cheukhat zong mei khanghpiak an tong. Ralhrang phu nih bomb hliamh nak in a thimi ruak hna cu motor pakhat in Watlat sizung ah an kalpi hna. Sianginn pawng ah a bu bu in bomb hliamhma cu an um ko hna,
An ruak zong an la rih hna lo, minung 30 leng cu an si lai” tiah khaumi pakhat nih a chim. Watlat peng nitlak lei Mumit pawng khua ah umhmun khuar ding in a phan mi ralhrang phu le khuachung mizapi vengtu ralkap phu kar kahdohnak a chuak, cu kahdohnak ah PDF lei in minung 1 a nunnak a liam tiah PDF chungtel pakhat nih a chim.
Ralhrang phu hna nih Teetaw khua inn 2, cycle 11 le lei lak ah a ummi thlam pakhat cu mei in an khangh. Cun khuachung sianginn chung ummi thilri hna zong meikhangh in an hrawh tiah khuami hna nih an chim. DVB
Magwe ramthen, Gangaw peng Gangaw- Htilin mawtaw lamlei, Maw Lay Gui ah thazaang 200 hrawng tel in ralhrang mawtaw 5 cu Gangaw YDF nih lamtan in an kah hna i ralhrang 25 an thi 20 leng an hliam tiah YDF nih athanh. November 19 ni zinglei suimilam 2:40 ah Gangaw- Htilin lamlei ah ara mi ralhrang mawtaw 5 le minung thazaang 200 hrawng cu YDF nih,.
Bomb le kutcheh bomb hna in an kah an doh hna hi asi. ” November 19 zingka te ah ralhrang mawtaw 5 cu a hlan ah an hman tawn mi lam ah kal lo in Maw Lay lamthen in Gangaw lei ah an hel i an lut. Mah mawtaw hna cu YDF nih an bawh i kut chehmi bomb hna hmang in an kah hna ” tiah Yaw Eagle thawngzamh nak nih atial. Khit Thit media
Leave a Reply