CDF le CNDF le PDF-Kalay I Bom I Ralhrang An Kah Hna i Ralhrang 20 Nak Tlawm Lo An Thah Hna

CDF le CNDF le PDF-Kalay le KKG hnriamtlai phu phu li komh in November 16 chunnitlak deng kahdohnak a chuah, Zing 8:30 hrawngin kahdohnak aa thawk i Ralhrang a tlawmbik 20 an thah hna i tamlak an hliamh hna tiah theih asi. Tulio Cu hmuza kip in kahdohnak a zual lio si, Culak ah thawngchia ngai pakhat Nizan November 16 zinglei 8:30 tluk ah Ralhrang nih PDF minung 10 (Pa 2 le Nu an tlaih hna, tiah fehternak cathanh an chuah.

Nov 16, online in tuahmi National Unity Consultative Council (NUCC) Press Release ah 88 hruaitu le NUCC hruaitu a simi Min Ko Naing nih “Zeitikhmanh ah ralhrangbu he cabuai cung biaruahnak kan ngei lai lo. Ahodah biaruahnak ngeih cu a duh? Thil a cang cuahmahmi le an cawlcanghning hi teh biaruahnak ngeihpi awk tha an si maw ti hi ruahchih a hau” tiah a chim.

Hmailei ah hriamnam bochan in ukmi ram kan si lai lo i 2008 phunghrampi tang zongah kan lut ti lai lo tiah Min Ko Naing nih cun a chim fawn. NUG cozah ruahnak petu bu a simi NUCC ahhin tlangcung hriamtlaibu 8 an i tel cang tiah theih a si. Cu chungah KNPP, CNF le KNU zong an i tel. A dang aa telmi cu langhter awk an tha rih lo tiah theih si. Nov 16 ah tuahmi NUCC Press Release ah Dr. Lianhmung Sakhong zong nih ralhrangbu cu a lamkip in doh a herh rihnak kong a chim ve.

Cu pinah Federal phunglam a hran an sermi cu a voihnihnak remh cuahmah lio a si i Demceber ah tuah dingmi mipi tonpumhnak ah chuahpi in fehternak tuah a si lai tiah Dr. Lianhmung Sakhong nih cun a chim fawn. NUCC chungtel U Lwin Ko Lat nih NUG hi ram cheukhat nih a kan cohlan thluamah cang, langhngang in an langhter rih lo caah a si tiah a chim ve. Atu tiangah Czech Republic, South Korea, US, UK, Australia le France ram hna ah NUG palai zung on a si cang tiah U Lwin Ko Lat nih a chimchap.

Be the first to comment

Leave a Reply

Your email address will not be published.


*