Bomb hmanh ding in Kalay PDF an kal lio ah bomh a puak i 2 an nunnak a liam Kalay le Gangaw karlak ah SAC ralhrang hna puah nakding bomb hmanh ah a kal mi Kalay PDF minung pahnih cu an kal lio ah, hmanh an timh mi bomb a puak i an pahnih in an nunnak a liam tiah thawng kan theih.
Atu an nunnak a liam mi hi 2021 November 26 lio ahkhan a cang mi a si. Atu a thi mi hna hi kum 26 le 28 an si i pakhat deuh hi cu nulepa nih amah kut an toh mi a si. Atu bantuk mah le mah bomb in hliam tuar le nunnak liam hi CDF, PDF chung zong ah an tam cang tiah theih a si.
“Sonh lo i sonh hlah u sih” (By-B.H.Van @ Lenfu) Kan Lai pupa bia ah,”Kafa thi kaw, sonh lo kai sonh” ti bia a um. Minung kan vun i sem bak in hi vawlei harsat nak, lawmhnak, zawt le fah, ngaihchiat vansan awlokchonnak, sungh le daatnak, kangh le uhnak, thih le loh, zawt le fahnak vialte chungah kan hung lut colh ko i, mizeihmanh cu chung cun a luat kho mi kan um lo. Cu tin a si ko nain,
Kan ton mi harnak hi, mizeimaw nih, cu ruang, kha ruangah tiin kan i sonh pin ah, midang zong kan va sonh hna. Nihin Thantlang khua nih a ton mi, kangh uhnak zong hi, “Sui Thantlang an i ti ruangah.” “Kan rum lo nain- kan i lawm ko”. “Thantlang Khrihfabu kip fonh min in, Zuu Lisence an cawk ruangah”.”Thlantlang a si ko mi, Thantlang” ti in, an ti ruangah tiin, a phunphun in kan sonh hna. Hi kangh uhnak i kan sonh mi hna le kan i sonh mi hi, Pupa bia he ai kheel diam mi a si. Kan pupa nih cun,”
An fa thih lungfah tuk chim pih vansan ahkhin pei maw, sonh lo ding an rak i sonh bia khi a si deuh rua tiah ka ruah. Mi zeimaw nih,”Pu Lal Luai khua si ve na lak ah an zaam tak diam ko” ati mi zong um a si. Pu Lal Luai zong nih khan, Miraang ral kha thawk khat cu a rak zaam tak ve ko hna rua. A nehhnu bel ahcun, biatak thlakin a hun doh than hna i, Miraang pawl nih,”Nan kan tei” tiin an suutpi pom dingin an kut an thlir mi zong kha, an hngalh ve lo ca ah,
An kut bor zong tlong dih in an rak kah hna tiah, tuanbia ah a um. Minung kan i sonh ningte hin Khuazing Pathian nih phuba kan cham sehlaw, a hohmanh a nungding khi kan um ka zum lo. Kan lungfah tuk bia ah, sonh loding kan i sonh mi si nih a dawh ko rua. Hi zongza Thantlang khua zung Inn lo vutcaam i hung can ko ngai cu mu! Jesuh an thahnak Luruh tlang a hluan e. Pal zarh le maw thlingkik i a can ko ngai cu maw kathin e…
Inn 200 leng a ciam mi chungkhar kha, nuncang hmunh khi um ai kun, kirnak runinn an vai cang lai mu! Nan kam i seh ko rih uh, i seh peng ko rih ulaw, ha cang i rial ko rih u mu!!! Cungnungbik Van Bawi zong kha, an chim riaklaang va bang hrinnak runinn a rak vai ve ko kha mu! Cu lengah, Kawl ralkap Sachia le hrangngawn pawl, CDF le CNA nih an nawn mi hna ruak kha, nan runinn chungte ah dawh mei in fimtawl an si khah!
Nanmah inn le lo nih dawh a fimtawl ko hna kha! “Zeizong Sertu Pathian nih hin, Thantlang khua hi khahlan nak tha deuh le dawh deuh in sersiam a duh ruangah a si kho mi a si ko” ti lei tuin ruat u sih law, sonh lo ding khi i sonh in, mi dang zong nih sonh ti hna hlah u sih. Nihin kan ton mi thil kongah, a hohmanh, i mawhchiat le, i imh ek le, i sonh caan a si lo hih. I hramhkauh caan, I hnemh caan, I temin pi caan, I cheuhbauh caan, I bulh caan a si hih…
Leave a Reply